قازاق-قىرعىز شەكاراسى "قورداي" اۆتوكولىك وتكىزۋ بەكەتىنىڭ جوندەۋ جۇمىستارىنا بايلانىستى 20 اقپاننان باستاپ جابىلادى. جوندەۋ جۇمىستارىنىڭ قاشان ءوز مارەسىنە جەتەتىنى بەلگىسىز، دەپ حابارلادى Qamshy.kz اقپارات اگەنتتىگى ۇقك شەكارا قىزمەتىنىڭ باسپا ءسوز قىزمەتىنە سىلتەمە جاساپ.
– 20 اقپاننان باستاپ قازاقستاننىڭ "قورداي " جانە قىرعىزستاننىڭ "اقجول" شەكارا بەكەتى جابىلادى. بۇل جەرلەردە قايتا قالپىنا كەلتىرۋ جۇمىستارى جۇرگىزىلەدى، – دەدى شەكارانىڭ باسپا ءسوز قىزمەتىنىڭ باسشىسى قاناتبەك سۇلتانوۆ.
ەكى ەل ازاماتتارىنا قول جۇگىمەن تاڭعى 06:00-دەن تۇڭگى 12:00-گە دەيىنگى ۋاقىت ارالىعىندا جۇرۋگە رۇقسات ەتىلەدى.
شەكارا قىزمەتكەرلەرى شەتەل ازاماتتارى مەن كولىكتەردى وتكىزۋ ءۇشىن باسقا وتكىزۋ پۋنكتەرىن پايدالانۋعا كەڭەس بەرەدى.
ءقازىر ەكى ەل اراسىندا كولىك وتكىزەتىن 11 پۋنكت بار. ولاردىڭ بەسەۋى – كوپجاقتى حالىقارالىق، التاۋى – ەكى جاقتى وتكىزۋ بەكەتى.
پىكىر قالدىرۋ