نۇر-سۇلتاندا ەتنومادەني بىرلەستىكتەردىڭ جەتەكشىلەرىمەن كەزدەسۋ ءوتتى. بۇل تۋرالى قازاقستان حالقى اسسامبلەياسىنىڭ باسپا ءسوز قىزمەتى حابارلايدى.
كەزدەسۋ بارىسىندا اسسامبلەيا ءتوراعاسىنىڭ ورىنباسارى جانسەيىت تۇيمەبايەۆ ەلىمىزدىڭ كونستيتۋسياسى ەتنيكالىق، ناسىلدىك، ءدىني جانە باسقا دا مۇشەلىككە قاراماستان، بارلىق ازاماتتاردىڭ مۇددەلەرىن قورعاۋعا كەپىلدىك بەرەتىنىن اتاپ ءوتتى.
سونداي-اق ول جاقىندا عانا ورىن العان قوردايداعى ۇلتارالىق جانجال تۋرالى ءوز پىكىرىن ءبىلدىردى.
– قىلمىس ۇلتقا جاتپايدى. بارلىق كىنالىلەر زاڭعا سايكەس جازالانادى. بۇل ءسوزسىز. قاقتىعىستىڭ سەبەپتەرىن مەملەكەت تولىق ءتۇسىنىپ، ماسەلەنى شەشۋدىڭ جولدارىن قاراستىرۋدا، – دەپ اتاپ ءوتتى تۇيمەبايەۆ.
وتىرىستا سونىمەن قاتار قوعامدىق كەلىسىم مەن ۇلتتىق بىرلىكتى نىعايتۋ، ۇلتارالىق قارىم-قاتىناس نەگىزى رەتىندە مەملەكەتتىك ءتىلدى ۇيرەنۋ، ۇلتتىق تاريحي سانانى دامىتۋ جانە ت.ب. ءبىرقاتار مىندەتتەر قارالدى.
پىكىر قالدىرۋ