1 قاڭتارداعى جاعداي بويىنشا، قازاقستان حالقىنىڭ سانى 18 ملن 632 مىڭ 200 ادامدى قۇرادى، دەپ حابارلايدى ق ر ۇلتتىق ەكونوميكا مينيسترلىگى ستاتيستيكا كوميتەتى.

18 ملن 632 مىڭ 200 ادامنىڭ 10 ملن 893 مىڭ 800ء-ى نەمەسە 58،5 پايىزى –قالالاردا، 7 ملن 738 مىڭ 400 مىڭى نەمەسە 41،5 پايىزى اۋىلداردا تۇرادى. جالپى حالىق سانىنىڭ 9 ملن 34 مىڭ 300ء-ىن نەمەسە 48،5 پايىزىن – ەرلەر، 9 ملن 597 مىڭ 900ء-ىن نەمەسە 51،5 پايىزىن ايەلدەر قۇرايدى.

2019 جىلعى 1 قاڭتارمەن سالىستىرعاندا حالىق سانى 236،5 مىڭ ادامعا نەمەسە 1،3 پايىزعا ءوستى. ءبىر جىل ىشىندە تۇرعىندار سانى ەڭ كوپ 3 وڭىردە ارتقان پايىزىن الماتى قالاسىندا 62،2 مىڭ ادامعا، نۇر-سۇلتان قالاسىندا 57،6 مىڭ ادامعا جانە تۇركىستان وبلىسىندا 36،4 مىڭ ادامعا.

بيىل 1-30 قازان ارالىعىندا قازاقستاندا ۇلتتىق ساناق جۇرگىزىلەدى.

قازان ايىنىڭ 1 مەن 15 ارالىعىندا، ياعني تىكەلەي حالىق ساناعىنىڭ العاشقى 15 كۇنىندە ينتەرنەت-ساۋالناما جۇرگىزىلەدى. ينتەرنەت-ساۋالنامادا رەسپوندەنتتەر وزىنە جانە وتباسى مۇشەلەرىنە ينتەرنەت جەلىسى ارقىلى sanaq.gov.kz ارنايى سايتىندا ساناق پاراقتارىن ءوز بەتىنشە تولتىرادى. سونىمەن بىرگە سايتتا رەسپوندەنتتەرگە ارنالعان تۇسىندىرمەلەر مەن ارنايى ۆيرتۋالدى كومەكشى دە بار.

ينتەرنەت-ساۋالنامامەن قاتار 1-30 قازان ارالىعىندا ينتەرۆيۋەرلەر جاپپاي ساۋالناما جۇرگىزەدى. ساۋالناما جاۋاپتارى پلانشەتكە ەنگىزىلەدى. ينتەرنەت ارقىلى مالىمەتتەر بەرگەن رەسپوندەنتتەر ينتەرۆيۋەرلەر جۇرگىزەتىن ساۋالناماعا قاتىسپايدى. حالىققا ساۋالناما جۇرگىزۋ بارىسىندا رەسپوندەنتتى سايكەستەندىرۋ ءۇشىن سۇرالاتىن ادامنىڭ ءجسن-ى پايدالانىلادى. ساۋالناما اياقتالعاندا حالىق ساناعىنان وتكەنى تۋرالى انىقتاما بەرىلەدى.

2018 جىلدان باستاپ 2022 جىل ارالىعىندا قازاقستان رەسپۋبليكاسىنىڭ ۇلتتىق حالىق ساناعىنا دايىندىق جانە وتكىزۋ ءۇشىن كوميتەتكە 8 211 ملن تەڭگە سوماسىندا قارجى قاراستىرىلعان.