"ۋحاندا تاراعان ۆيرۋستان بۇكىل الەمدە جاڭا قۇرباندار پايدا بولادى". Twitter قولدانۋشىلارى 1981 جىلى شىققان "قاراڭعىنىڭ كوزدەرى" رومانىندا وسىلاي جازىلعانىنا تاڭدانىس بىلدىرۋدە. بۇل تۋرالى greatgameindia.com سايتىندا جازىلعان.
امەريكالىق دينا كۋنس اتتى فانتاست جازۋشى 1981 جىلى "قاراڭعىنىڭ كوزدەرى" اتتى فانتاستيكالىق رومان جازعان. كۋنس كىتابىنىڭ 39-تاراۋىندا جۇڭگو كوممۋنيستىك پارتياسى ۋحان ماڭىنداعى اسكەري زەرتحانالاردا بيولوگيالىق قارۋ رەتىندە ۆيرۋس جاسايتىنى ايتىلادى. ونى ۋحان-400 دەپ اتاعان. ۆيرۋس ادامدى 100 پايىز ولتىرۋگە قاۋقارلى دەلىنگەن.
روماندا ۇلىن ىزدەپ جۇرگەن، ونىڭ ءولى نە ءتىرى ەكەنىن بىلمەيتىن انا تۋرالى جازىلعان.
اناسى ۇلىنىڭ تاۋعا شىعۋىنا رۇقسات بەرەدى. ۇلى 16 جىل بويى تاۋعا شىعىپ جۇرگەن كاسىبي ماماندارمەن بىرگە تاۋعا شىعادى. الايدا بۇل جولى تاۋعا شىققان ءار تۋريست، جول نۇسقاۋشى ءتىپتى كولىك جۇرگىزۋشى دە بەلگىسىز سەبەپتەن كوز جۇمادى. قايعىدان قان جۇتقان انا ۇلىنىڭ ولگەنىنە سەنبەيدى. كەيىن ول ءوزىنىڭ دوسىمەن بىرگە ۇلىنىڭ نەدەن قايتىس بولعانىن ىزدەستىرۋگە كوشەدى. وقيعا جەلىسى وسىلاي باستالعان روماندا قىتايلىق زەرتتەۋشىنىڭ "ۋحان-400" دەپ اتالاتىن بيولوگيالىق قارۋ جاساپ شىعارعانى تۋرالى ايتىلادى. ول بۇل قارۋدى اقش-قا جاسىرىن تۇردە اكەلگەن. قىتايلىق زەرتتەۋشى بۇل قارۋدى ۋحان قالاسىندا جاساپ شىعارعان. كەيىن ونى ءوز ماقساتتارىنا قولدانادى.
اراعا 39 جىل سالىپ، قىتايدىڭ ۋحان قالاسىنان كوروناۆيرۋس شىعىپ، ودان مىڭداعان ادامنىڭ قازا بولۋى رومانداعى وقيعا جەلىسىمەن ۇقسايتىنىنا كوپشىلىك بۇل كەزدەيسوقتىق پا، الدە تىلسىم بىردەڭە مە دەپ تاڭدانىسىن جاسىرا الماۋدا.
پىكىر قالدىرۋ