بۇگىن ۇكىمەت وتىرىسىندا پرەزيدەنت قاسىم-جومارت توقايەۆتىڭ مەملەكەتتىك جانە كۆازيمەملەكەتتىك سەكتورلاردىڭ باسىم ەمەس شىعىستارىن قىسقارتۋ جونىندەگى تاپسىرماسىنىڭ ورىندالۋ بارىسى قارالدى، دەپ جازادى primeminister.kz.

وسى باعىتتا اتقارىلىپ جاتقان جۇمىستار تۋرالى پرەمەر-مينيستردىڭ ءبىرىنشى ورىنباسارى – قارجى ءمينيسترى ءاليحان سمايىلوۆ باياندادى.

– مەملەكەتتىك ورگانداردىڭ، اكىمدىكتەردىڭ، ۇلتتىق حولدينگتەر مەن ۇلتتىق كومپانيالاردىڭ جۇرگىزگەن جۇمىستارىنىڭ ناتيجەلەرى بويىنشا قىسقارتۋعا ۇسىنىلعان شىعىستاردىڭ جالپى سوماسى 128،6 ملرد تەڭگەنى قۇرادى، ونىڭ ىشىندە ورتالىق مەملەكەتتىك ورگانداردان – 23 ملرد تەڭگە، وڭىرلەردەن – 26،6 ملرد تەڭگە جانە كۆازيمەملەكەتتىك سەكتور سۋبەكتىلەرىنەن – 79 ملرد تەڭگە، – دەدى قارجى ءمينيسترى.

مينيستر اسقار ءماميننىڭ ايتۋىنشا، جەرگىلىكتى بيۋدجەتتەردىڭ شىعىستارى بويىنشا اكىمدىكتەر ءماسليحاتتار ارقىلى وسى شىعىستاردى قىسقارتۋ جونىندە بيۋدجەتتەردىڭ ءتيىستى دەڭگەيلەرىندە شەشىم قابىلداۋى قاجەت.

سونداي-اق ۇكىمەت باسشىسى ۇلتتىق حولدينگتەر مەن كومپانيالاردىڭ باسشىلارىنا ديرەكتورلار كەڭەستەرى مەن باسقارما وتىرىستارىنىڭ اياسىندا ۇسىنىلعان شىعىستاردى قىسقارتۋ جونىندە ءتيىستى كورپوراتيۆتىك شەشىمدەردى قابىلداۋدى تاپسىردى.