قازاقستاندا كوروناۆيرۋسپەن كۇرەسكە بولىنگەن 2 ملرد تەڭگەنىڭ قايدا جۇمسالاتىنى ءمالىم بولدى. ياعني، قاراجات ۇكىمەت قاۋلىسى ارقىلى بولىنەدى دەپ اتاپ ءوتتى دەنساۋلىق ساقتاۋ ءمينيسترى ەلجان ءبىرتانوۆ.

– بۇل دەنساۋلىق ساقتاۋ مينيسترلىگىنىڭ ەمەس، ۇكىمەتتىڭ قىزمەتتىك پايدالانۋ رەجىمىندەگى قاۋلىسى. شىنىمەن دە ايتىپ بەرەر ەدىم، ءبىراق وعان مەنىڭ قۇقىعىم جوق، – دەدى مينيستر.

ۇكىمەت وتىرىسىندا، مينيستر قاراجاتتىڭ قايدا باعىتتالعانىن ب ا ق وكىلدەرىنە اشىپ ايتتى.

– جالپى العاندا، قاراجات بەتپەردە، كوستيۋم، كوزاينەك، زارارسىزداندىراتىن قۇرالدار، زەرتحانا، تەپلوۆيزورلار، دياگنوستيكالاۋعا ارنالعان زەرتحانالىق جابدىقتار سىندى قورعانىس زاتتارىن ساتىپ الۋعا جۇمسالاتىندىعىن ايتا الامىن. سەبەبى اۋقىمدى دياگنوستيكا جۇرگىزىلەدى. دارىگەرلەردەن بولەك، شەكاراشىلارعا ارنالعانى دا بار. ال، بۇل قىزمەتتىك اقپارات، – دەدى ءبىرتانوۆ