"بىرىنشىدەن، جوعارى تابىس، جىلدام بايۋ، جىلدام پايدا الۋ ۋادەلەرى نارىقتىق دەڭگەيدەن الدەقايدا جوعارى. ەكىنشىدەن، ۇيىمداستىرۋشىلاردا ارنايى ليسەنزيالاردىڭ بولماۋى، ال قارجى نارىعىنداعى قىزمەت كورسەتۋشىلەردە مىندەتتى تۇردە مەملەكەتتىك ليسەنزيا بولۋى ءتيىس. ۇشىنشىدەن، ناقتى ينۆەستيسيالىق قىزمەت بولماعانىنا قاراماستان اگرەسسيۆتى جارناما.
وسىعان بايلانىستى، نۇر-سۇلتان قالاسىنىڭ پروكۋراتۋراسى زاڭسىز تابىس تابۋ بويىنشا قىزمەت جاساۋشىلار مەن باسشىلارىنا قاتىستى قك-نىڭ 217-بابى (قارجىلىق (ينۆەستيسيالىق) پيراميدانى قۇرۋ جانە باسقارۋ) بويىنشا قىلمىستىق جاۋاپكەرشىلىككە تارتىلاتىنىن ەسكە سالادى.
پروكۋراتۋرا ورگاندارى ەلوردا تۇرعىندارىنا زاڭ تۇرعىسىنان كۇماندى جولمەن تابىس تابۋدان باس تارتۋدى ۇسىنادى" دەپ حابارلاندى پروكۋراتۋرا مالىمدەمەسىندە.
پىكىر قالدىرۋ