كوروناۆيرۋستىڭ ەپيدەميالوگيالىق جاعدايى تۋرالى دەنساۋلىق ساقتاۋ مينيسترلىگى شۇعىل مالىمدەمە جاسادى. تەمپەراتۋراسى جانە جەدەل رەسپيراتورلى ۆيرۋستىق ينفەكسيا بەلگىلەرى بار جەتى ادام انىقتالعان.
ۆەدومستۆونىڭ مالىمەتىنە سۇيەنسەك، بۇگىن مەملەكەتتىك شەكارا وتكىزۋ پۋنكتتەرى ارقىلى قىتايدان قازاقستانعا 31 476 ادام كەلگەن.
"دەنساۋلىق ساقتاۋ مينيسترلىگى جانە تاۋارلار مەن قىزمەتتەردىڭ ساپاسى قاۋىپسىزدىگى كوميتەتىنىڭ سانيتارلىق-كارانتيندىك پۋنكتتەرىنىڭ ماماندارى حالىقارالىق اۋەجاي مەن تەمىرجول بەكەتتەرىندە قىتايمەن مەملەكەتتىك شەكارا ارقىلى وتەتىن تۇراقتان 24 466 ادام باقىلاۋعا الىنعانى ءمالىم بولدى، ونىڭ 31476-سى تەكسەرىستەن وتكەن. ءقازىر سوڭعى ەكى اپتادا كەلگەن 1574 ادام مەديسينالىق باقىلاۋدا تۇر. اۋرۋحاناعا جاتقىزىلعاندار سانى – 308. بۇگىنگى كۇنگە دەيىن 160 ادام جرۆي بەلىلەرى بويىنشا ارنايى باقىلاۋعا الىنىپ، ونىڭ 153 تولىقتاي ەمدەلىپ شىقتى" – دەلىنگەن مالىمدەمەدە.
پىكىر قالدىرۋ