بۇل تۋرالى Qamshy.kz اقپارات اگەنتتىگى قازاقپارات دايەگىنە سۇيەنە وتىرىپ حابارلايدى.

«ق ر تۇڭعىش پرەزيدەنتى – ەلباسى نۇرسۇلتان نازاربايەۆ ەكونوميكانىڭ ءداستۇرلى ءوندىرۋشى سالالارىنىڭ تيىمدىلىگىن ارتتىرىپ، قازاقستاندى گەولوگيالىق بارلاۋدىڭ الەمدىك نارىعىنا شىعارۋ مىندەتىن قويدى. مۇناي-گاز بەن تاۋ-كەن مەتاللۋرگياسى سالالارىن ورنىقتى شيكىزات بازاسىمەن قامتاماسىز ەتۋ قاجەت. قازىرگى كەن ورىندارى بىرتىندەپ، سارقىلۋدا. سونىمەن بىرگە، بۇگىنگى كۇنى قازاقستان اۋماعىن زەرتتەۋ دەڭگەيى 25 پايىزدان ءسال عانا اسىپ وتىر. وسىعان بايلانىستى مەملەكەت باسشىسى قاسىم-جومارت توقايەۆ ۇكىمەتكە گەولوگيالىق بارلاۋدىڭ مەملەكەتتىك باعدارلاماسىن ازىرلەۋدى تاپسىردى»، – دەدى اسقار مامين.

پرەمەر-مينيستردىڭ ايتۋىنشا، بولاشاق مەملەكەتتىك باعدارلامانىڭ تۇجىرىمداماسى گەولوگيالىق سالانى دامىتۋعا باعىتتالعان. ياعني، گەولوگيالىق بارلاۋدىڭ مەملەكەتتىك باعدارلاماسىن ءتيىمدى ىسكە اسىرۋ ارقىلى 1 تەڭگە سالىپ، سالاعا 4 تەڭگەگە دەيىن قوسىمشا جەكە ينۆەستيسيا تارتۋعا بولادى.

"ەلىمىزدىڭ، اسىرەسە مونوقالالاردىڭ ماڭىندا مينەرالدىق شيكىزات بازاسىن مولىقتىرۋ ەكونوميكاعا وڭ اسەرىن تيگىزىپ، ونەركاسىپ سالالارىن دامىتۋ ءۇشىن ناقتى نەگىز بولادى. مۇنان باسقا، جاڭا كەن ورىندارىن اشقان كەزدە جاڭا وندىرىستىك كەشەندەر قۇرىلادى. بۇل 6 ترلن تەڭگەگە دەيىن ينۆەستيسيا تارتىپ، 20 مىڭعا جۋىق جۇمىس ورىندارىن اشۋعا مۇمكىندىك بەرەدى»، – دەدى پرەمەر-مينيستر.

سونداي-اق، اسقار مامين گەولوگيالىق بارلاۋ جۇمىستارىن جۇرگىزگەن كەزدە گەوفيزيكالىق زەرتتەۋ مەن جەردى قاشىقتان زوندتاۋدىڭ جاڭا ادىستەرىن قولدانۋ كەرەكتىگىن ايتا كەلىپ، ەكولوگيا، گەولوگيا جانە تابيعي رەسۋرستار مينيسترلىگىنە وسى جىلدىڭ 31 مامىرىنا دەيىن مەملەكەتتىك باعدارلاما جوباسىن ۇكىمەتكە ەنگىزۋدى تاپسىردى.