"BI Group" قۇرىلىس كومپانياسى پاتەر ساتىپ العانداردىڭ اراسىندا جىل سايىنعى ۇتىس ويىندارىن ويناتقان. وعان ەكى مىڭنان استام ادام قاتىسىپ، باس جۇلدەنى قازاقستاننىڭ اقپارات جانە قوعامدىق دامۋ ۆيسە-مينيسترىنىڭ ورىنباسارى عابيدوللا وسپانقۇلوۆ ۇتىپ الدى.

– ءبىز جەڭەمىز دەپ ويلاعان جوقپىز. سودان حولعا شىعىپ كەتكەنبىز. ەندى قاراساق، ەكراندا ءبىزدىڭ بيلەتىمىزدىڭ ءنومىرىن كورسەتىپ تۇر. ءبارىمىز تاڭعالدىق، پاتەر ۇتقانىمىزعا سەنگەن جوقپىز. ءبىز بۇرىن دا ۇتىسقا قاتىسقانبىز. بيىل جولىمىز بولدى، – دەيدى وسپانقۇلوۆ.

عابيدوللا ابدوللا ۇلى وسپانقۇلوۆ 1981 جىلى تۋعان. وڭتۇستىك قازاقستان وبلىسىندا دۇنيەگە كەلگەن. قازاق گۋمانيتارلىق زاڭ ۋنيۆەرسيتەتى مەن قازاق-رەسەي ۋنيۆەرسيتەتىندە ءبىلىم العان "بولاشاق" باعدارلاماسىمەن ۇلىبريتانيانىڭ "بيرمينگەم" ۋنيۆەرسيتەتىندە وقىدى.

2013-2017 جىلدارى ءبىلىم جانە عىلىم مينيسترلىگىنىڭ جاستار ىستەرى جونىندەگى كوميتەتىن باسقاردى. جاستار ساياساتى دەپارتامەنتىنىڭ ديرەكتورى قىزمەتىن اتقاردى. ءدىن جانە ازاماتتىق قوعام ىستەرى مينيسترلىگىندە جۇمىس ىستەدى.

2017 جىلدىڭ قازان ايى مەن 2019 جىلدىڭ تامىز ايى ارالىعىندا باتىس قازاقستان وبلىسى اكىمىنىڭ ورىنباسارى بولدى. ودان كەيىن Nur Otan پارتياسىنىڭ حاتشىسى قىزمەتىنە تاعايىندالدى.

ول وتكەن جىلدىڭ سوڭىندا اقپارات جانە قوعامدىق دامۋ ءمينيسترى داۋرەن ابايەۆتىڭ ورىنباسارى قىزمەتىنە تاعايىندالعان.