پەتروپاۆلدا سميرنوۆو اۋىلىنىڭ پوليسيا قىزمەتكەرى سۋيسيد جاسادى. بۇل تۋرالى pkzsk.info سايتى حابارلادى.
باسىلىمنىڭ مالىمەتىنشە، وقيعا 15 اقپاندا بولعان. كامەلەتكە تولماعانداردىڭ ىستەرى جونىندەگى ينسپەكتورى 29 جاستاعى اسقار نازىروۆ وز-وزىنە قول جۇمساۋ ءۇشىن وبلىس ورتالىعىنان پاتەر جالداعان.
سقو پوليسيا دەپارتامەنتىنىڭ باسپا ءسوز قىزمەتى پوليسەيلەردىڭ قازا بولۋ فاكتىسىن راستادى.
"15 اقپاندا وبلىس ورتالىعىنىڭ جالدامالى پاتەرىندە اۋدان ورتالىعىنىڭ 1991 جىلى تۋعان تۇرعىنى وز-وزىنە قول جۇمسادى. اتالعان دەرەك ق ر قك-نىڭ 105-بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە ەنگىزىلدى. اققايىڭ اپب قىزمەتكەرىنىڭ وزىنە-وزى قول جۇمساۋى فاكتىسى بويىنشا وزىندىك قاۋىپسىزدىك باسقارماسى قىزمەتتىك تەكسەرۋ تاعايىنداعان. تەرگەۋ جۇمىستارى سقو جپ باستىعى پوليسيا پولكوۆنيگى مارات تولەبايەۆتىڭ جەكە باقىلاۋىندا"، - دەپ حابارلادى پوليسيا وكىلدەرى.
سونداي-اق وز-وزىنە قول جۇمساعان پوليسەيدىڭ ارىپتەسى zhalobakz.com سايتىنا ءانونيمدى تۇردە "اسقار نازىروۆ پەن باسشىلىقتىڭ اراسىندا كەلەڭسىزدىكتەر بولعانىن" جازعان.
اسقار نازىروۆ بۇگىن سميرنوۆو قالاسىنىڭ اققايىڭ اۋدانىنىڭ ورتالىعىندا جەرلەندى.
پىكىر قالدىرۋ