ورتا سالماقتاعى IBF جانە IBO تۇجىرىمدارى بويىنشا الەم چەمپيونى گەنناديي گولوۆكيننىڭ رينگكە ورالۋ مەرزىمى تاعى دا شەگەرتىلدى. ESPN حابارلاۋىنشا، بۇعان بوكسشىنىڭ تىزەسىنەن تومەن العان جاراقاتى سەبەپ بولعان. بۇل تۋرالى vesti.kz مالىمدەمە جاسادى.
وسىعان وراي گولوۆكين جانە ونىڭ كومانداسى IBF-كە تيتۋلدى قورعاۋدى كەيىنگە قالدىرۋعا ءوتىنىش بىلدىرگەن.
دەرەكتەرگە سۇيەنسەك، گولوۆكيننىڭ پولشالىق كاميل شەرەمەتامەن وتەتىن جەكپە-جەگى مامىر نەمەسە ماۋسىم ايلارىندا بولۋى مۇمكىن.
گولوۆكيننىڭ رينگكە ورالۋى اقپان ايىنا جوسپارلانعان ەدى. الايدا بۇل جوسپار ناۋرىز ايىنا شەگەرىلدى. بۇدان كەيىن 11 ساۋىرگە بەلگىلەنگەن. جەكپە-جەك اقش-تىڭ چيكاگو قالاسىندا ءوتۋى مۇمكىن. جەكپە-جەكتى قازاقستاندا وتكىزۋ مۇمكىندىگى دە قاراستىرىلۋدا.
پىكىر قالدىرۋ