الماتى قالاسىنىڭ اكىمى باقىتجان ساعىنتايەۆ بۇگىن قالا تۇرعىندارىمەن وتكەن ەسەپتىك كەزدەسۋىندە جاقىندا ورىن الان قوردايداعى قاقتىعىس پەن الماتى باراحولكاسىندا بازارلاردىڭ جابىلۋىنا قاتىستى پىكىر ءبىلدىردى. 

– ءبىز قوردايدا نە بولعانىن كوردىك. الماتىدا وندايعا جول بەرمەۋىمىز كەرەك بولدى. پوليسيا بارلىق اۋماقتى قاراپ ءجۇردى. بارلىعى كۇزەتىلدى. (...) اركىم ءوزى ءۇشىن سويلەۋى كەرەك. وتان وتباسىنان باستالادى. وتباسى ءۇشىن جاۋاپ بەر، وتباسى ءۇشىن الاڭدا، – دەدى اكىم.

باراحولكاداعى ءورتتىڭ شىعۋىنا بايلانىستى قالا اكىمى تۇرعىندارىنىڭ قاۋىپسىزدىگى ءۇشىن دەمالىس كۇندەرى بازارلار جۇمىس جاساۋىن توقتاتادى دەدى. 

– 00.00-دەن كەيىن بازارلارىمىزدىڭ بارلىق باسشىسى، ديرەكتورى جينالدى. ولارعا جاعدايدى ايتتىق. تۇنگى ساعات 00:00-دە بارلىق بازاردى دەمالىس كۇنى بولسا دا جابۋ تۋرالى شەشىم قابىلداندى. بۇل ءار ادامنىڭ قاۋىپسىزدىگى ءۇشىن جاسالدى. ءبىز ول شەشىمدى دۇرىس دەپ سانايمىز، – دەدى ساعىنتايەۆ.