دەنساۋلىق ساقتاۋ ءمينيسترى ەلجان ءبىرتانوۆ قازاقستانعا 6 اقپاننان باستاپ كەلگەن 488 مىڭنان استام ازاماتتىڭ تەكسەرىلگەنىن ءمالىم ەتتى، دەپ حابارلايدى قازاقپارات.

– 6 قاڭتاردان باستاپ ءتۇرلى شارالار قابىلدانىپ، 1 اقپاننان باستاپ ول شارالار كۇشەيتىلدى. بۇگىنگى كۇننەن باستاپ ارنايى باس سانيتارلىق دارىگەردىڭ شەشىمى قابىلدانىپ، قوسىمشا سانيتارلىق-ەپيدەميالىق شارالار كۇشەيتىلدى. جالپى ءبىزدىڭ ەڭ ءبىرىنشى ماقسات – قازاقستان رەسپۋبليكاسىنىڭ مەملەكەتتىك شەكاراسىنا كەلىپ جاتقان ازاماتتاردىڭ دەنساۋلىعىن تەكسەرىپ، باقىلاۋعا الۋ. 6 اقپاننان باستاپ 488 مىڭنان استام ازامات (قازاقستاندىق، ىشىندە شەتەلدىكتە دە بار) قازاقستانعا كەلدى. ولاردىڭ ءبارىن ءبىز شەكارادا جاعدايىن تەكسەرىپ، تەمپەراتۋراسىن ولشەپ قاراپ وتىرمىز. انكەتا تولتىرىلۋدا، – دەدى دەدى ەلجان ءبىرتانوۆ ەلوردادا وتكەن باسپا ءسوز ءماسليحاتىندا.

مينيستر سولاردىڭ اراسىندا 175 ناۋقاس جاتقىزىلىپ، ەمدەلىپ شىققانىن ايتىپ ءوتتى. ولار ءتۇرلى ينفەكسيالىق رەسپيراتورلىق اۋرۋلار بولعاننان كەيىن كوروناۆيرۋستىق ينفەكسياعا تەكسەرىلىپ، 160-ى شىعارىلعان.

– ءبىراق ولاردا كوروناۆيرۋستىق ينفەكسيا تابىلعان جوق. سونىمەن ازاماتتار ەلگە كەلگەننەن كەيىن ءبىزدىڭ ارنايى مەديسينالىق قىزمەتكەرلەر ءبارىن مونيترينگىگە الىپ وتىرادى. ال جالپى قحر-دان كەلگەن 24 مىڭ ازاماتتى مونيتورينگىلەۋگە العانبىز. ءقازىر 2 3647 مونيتورينگ شىعارىلدى. 14 كۇننەن سوڭ جاعدايى جاقسارعاننان كەيىن ولاردى شىعارامىز، – دەدى ول.