پرەزيدەنت توقايەۆتىڭ ساياسي رەفورمالارى اياقسىز قالۋى مۇمكىن. بۇل تۋرالى ۇلتتىق كەڭەستىڭ مۇشەسى، ءدىنتانۋشى قايرات جولدىباي ۇلى ءوزىنىڭ facebook پاراقشاسىندا جازدى.
"ۇلتتىق كەڭەستىڭ كوتەرىپ، توقايەۆتىڭ ۋادە ەتكەن پارتيا قۇرۋدى جەڭىلدەتۋگە، ميتينگكە قاتىستى ساياسي رەفورمالارى اياقسىز قالاتىن ءتۇرى بار.
سەبەبى ميتينگكە قاتىستى ۇسىنىلىپ وتىرعان زاڭ جوباسى جانە جانبولات مامايدىڭ پارتيا قۇرۋىنا جاسالىپ جاتقان قىسىم وسىنى كورسەتەدى. بۇل جاعدايدا ۇلتتىق كەڭەستىڭ كەلەسى وتىرىسى بولماۋى دا ىقتيمال.
باقىتجان بۇقارباي كەڭەس قۇرامىنان شىققاندىعىن، ال ارمان شورايەۆ شىعۋى مۇمكىن ەكەندىگىن مالىمدەدى. ۋادە ەتىلگەن رەفورما بولماعان جاعدايدا بۇل ءتىزىم جالعاسا بەرەتىندىگى ءسوزسىز"، - دەپ جازدى قايرات جولدىباي ۇلى.
ۇلتتىق كەڭەستەن بۇقاربايەۆ شىعىپ، تايجان جۇمىسىن سىنادى (ۆيدەو)
ۇلتتىق كەڭەستەن بۇقاربايەۆ شىعىپ، تايجان جۇمىسىن سىنادى (ۆيدەو)
بۇعان دەيىن باسپاگەر باقىتجان بۇقارباي ۇلتتىق كەڭەستەن رەسمي تۇردە شىققانىن مالىمدەگەن بولاتىن. ال ۇلتتىق كەڭەستىڭ تاعى ءبىر مۇشەسى مۇحتار تايجان الەۋمەتتىك جەلىدەگى پاراقشاسىندا دەموكراتيالىق جانە نارىقتىق رەفورمالار باستالماي جاتىپ، سوڭى سيىرقۇيىمشاقتانىپ بارا جاتقانىنا الاڭداۋشىلىق بىلدىرگەن.
پىكىر قالدىرۋ