شىعىس قازاقستان وبلىسى زايسان اۋدانىنىڭ 100-گە جۋىق تۇرعىنى قىتايمەن شەكارانى جابۋدى تالاپ ەتىپ، نارازىلىق اكسياسىنا شىقتى.
كەشە الەۋمەتتىك جەلىدە "شقو-داعى شەكارا بەكەتىنەن قىتايدان ادام مەن تاۋار وتكىزىلدى" دەگەن اقپارات تاراعان. كەيىن سول كۇنى اۋدان تۇرعىندارى جينالىپ شەكارانى جابۋدى تالاپ ەتكەن.
بۇگىن زايساننىڭ سارىتەرەك جانە اينابۇلاق اۋىلدارىندا نارازىلىققا شىققان حالىقتى باسۋعا وبلىس اكىمى دانيال احمەتوۆ باستاعان شەنەۋنىكتەر كەلگەن. دەگەنمەن اۋدان حالقى ءتۇسىندىرۋ جۇمىستارى بولماعانىن ايتىپ، سەنىمسىزدىك ءبىلدىرىپ، شەكارادان بەلگىسىز ازاماتتاردىڭ وتكەنىن ايتقان.
وبلىس اكىمى تۇرعىنداردان 42 جۇڭگو ازاماتىن ءوز ەلدەرىنە جىبەرۋ ءۇشىن 3 كۇن ۋاقىت بەرۋدى سۇرادى.
ال وبلىستىڭ دەنساۋلىق ساقتاۋ باسقارماسى قىتايدان كەلگەندەن قازاقستاندىقتار ەكەنىن جانە ولاردا ەشقانداي اۋرۋ بەلگىلەرى جوق ەكەنىن حابارلادى.
پىكىر قالدىرۋ