الماتى قالاسىنىڭ اكىمى باقىتجان ساعىنتايەۆ «Woman in business» كاسىپكەرلىك فورۋمىندا ايەلدەردى بيزنەسپەن اينالىسۋعا شاقىردى، دەپ حابارلايدى Qamshy.kz اقپارات اگەنتتىگى قازاقپارات دەرەگىن نەگىزگە الىپ. 

"وزدەرىڭىز بىلەسىزدەر ەلىمىزدە جينالاتىن سالىق ءتۇسىمىنىڭ 25%-ى الماتىدان تۇسەدى. شاعىن جانە ورتا كاسىپكەرلىكتىڭ 60%-ى وسىندا. سوندىقتان شوب (شاعىن جانە ورتا بيزنەس - رەد.) سۋبەكتىلەرىن قولداۋعا جۇمىس جاسايمىز. «اكك» اق شەڭبەرىندە ارنايى قارجىلىق ۇيىمدار قۇرىلدى. قاراجات بولدىك. بىلتىر بۇعان 1 ملرد تەڭگە بولىنسە، بيىل 30 ملرد تەڭگە بولىنەدى. شوب سۋبەكتىلەرىنە نەسيە 2-7%-بەن بەرىلمەك"، - دەدى ول.

ەڭ قىزىعى، بۇل پايىزدىق ولشەم الماتى قالاسىن "جوعارعى جاق" جانە "تومەنگى جاق" دەپ قاق بولەدى. 

"ەگەر ءسىزدىڭ كاسىبىڭىز تومەنگى الماتى جاقتا بولسا، سىزگە پايىزدىق مولشەرلەمە 2%، ال جوعارعى جاعىندا بولسا پايىزدىق مولشەرلەمە 7 % بولماق»، - دەيدى باقىتجان ساعىنتايەۆ.

شاھار باسشىسى بۇدان ءارى «باقىتتى وتباسى» باعدارلاماسى اياسىندا «ىسكەر انا» جوباسى ىسكە قوسىلعانىن ايتا كەلىپ:

«ءار اۋداندا بەلسەندى ايەلدەر بار. سولاردىڭ مۇمكىندىگىن اشۋ ءۇشىن ءبىز وسى باعدارلامانى قوستىق. ولارعا گرانت ءبولىپ، قۇرال-جابدىق الىپ بەرىپ جاتىرمىز. 1 مىڭنان استام انا كومەك الدى. ولاردى وقىتىپ، زاڭ تۇرعىسىنان كومەك بەرىپ جاتىرمىز»، - دەدى.

وسى رەتتە، «تۇرعىن ءۇي قۇرىلىس جيناق بانكى» اق باسقارما ءتورايىمى ءلاززات يبراگيموۆا كاسىپكەر ايەلدەردى قۇرىلىس جانە ونەركاسىپ سالاسىنا شاقىردى. ونىڭ ايتۋىنشا، ءقازىر ايەلدەردىڭ كوپشىلىگى ءبىلىم بەرۋ، دەنساۋلىق ساقتاۋ، ساۋدا سالاسىندا ءجۇر. ال مەملەكەتتىك قولداۋ كوبىنەسە قۇرىلىس سالاسىنا بەرىلەدى.

«مەنىڭ ويىمشا، ايەلدەر قۇرىلىس سالاسىنا دا كەرەك. ايەلدەر تەك بيزنەس باسقارۋشى عانا ەمەس، بيزنەس يەسى بولسا ەكەن دەيمىز. ەڭ باستىسى ايەلدە ءۇش نارسە: ءبىلىم، جەكە باسپاناسى، دەپوزيتىندە قارجىسى بولسا بولدى»، - دەدى ءلاززات يبراگيموۆا.

ءدال وسى تۇستا باقىتجان ساعىنتايەۆ ءلاززات يبراگيموۆا ايتقان "ۇشتىكتى" تولىقتىرىپ: «جانە جاقسى كۇيەۋ كەرەك»، - دەپ ازىلدەدى اكىم.