پاۆلودار وبلىسى اكىمىنىڭ ورىنباسارى بولىپ "حالىق بانكى" اق-نىڭ ءتورايىمى ءۇمىت شاياحمەتوۆانىڭ ۇلى ساكەن شاياحمەتوۆ تاعايىندالدى. بۇل تۋرالى وبلىس اكىمدىگىنىڭ باسپا ءسوز قىزمەتى حابارلادى.
29 جاستاعى ساكەن شاياحمەتوۆ 1990 جىلى 2 مامىردا الماتى قالاسىندا دۇنيەگە كەلدى. اقش-تا تەحاس ۋنيۆەرسيتەتىن مۇناي-گاز ءىسى جانە ەكونوميكا ماماندىعى بويىنشا بىتىرگەن. سونىمەن قاتار بىرنەشە جوعارى ءبىلىمى بار.
شاياحمەتوۆ ەڭبەك جولىن 2011 جىلى اتىراۋ وبلىسىنداعى "بولاشاق" زاۋىتىندا مەحانيك كومەكشى بولىپ باستاعان. 2012-2014 جىلى "Caspi Meruerty Operating" كومپانياسىندا ەكونوميست بولىپ جۇمىس ىستەدى. كەيىننەن 2017 جىلعا دەيىن ماگيستراتۋرادا ءبىلىم الادى.
اكىمدىكتىڭ باسپا ءسوز قىزمەتى حابارلاعانداي، ساكەن شاياحمەتوۆ پرەزيدەنتتىك جاستار كادر رەزەرۆىنىڭ قۇرامىنا ەنگەن. ول ينۆەستيسيالار، كاسىپكەرلىكتى دامىتۋ جانە ەركىن ەكونوميكالىق ايماقتار ماسەلەلەرىن قاداعالايتىن بولادى.
پىكىر قالدىرۋ