اسكەري بولىمنەن قارۋلانىپ قاشقان ازاماتتى ۇستاۋ وپەراسياسى اياقتالدى. بۇل تۋرالى ىشكى ىستەر مينيسترلىگى حابارلادى.
ىشكى ىستەر مينيسترلىگى مەن ۇلتتىق قاۋىپسىزدىك كوميتەتى قىزمەتكەرلەرىنىڭ ارنايى جەدەل توبى قارۋ-جاراقتاردى ۇرلاپ، اسكەري ءبولىمدى رۇقساتسىز تاستاپ كەتكەن 1995 جىلعى بالعىنباي ابىلاي باعداتۇلىن ۇستادى.
قازاقستان رەسپۋبليكاسىنىڭ قىلمىستىق كودەكسىنىڭ 291-بابى، قارۋ ۇرلاۋ فاكتىسى بويىنشا سوتقا دەيىنگى تەرگەۋ جۇرگىزىلىپ جاتىر.
كىشى سەرجانت سول كۇنى كەزەكشىلىكتە بولۋى كەرەك ەدى. الايدا قارۋ-جاراقتاردى ۇرلاپ، ءبولىمدى قاراۋسىز قالدىرىپ، قاشىپ كەتكەن.
قارۋ ساقتايتىن قويمادا قارۋدىڭ جەتىسپەۋشىلىگى انىقتالعان. ءمالىم بولعان اقپاراتتاردان كەيىن جوعالعان قارۋ فاكتىسى بويىنشا قىلمىستىق ءىس قوزعالدى.
پىكىر قالدىرۋ