بۇگىن قاراعاندى وبلىسىنىڭ قىلمىستىق ىستەر بويىنشا مامانداندىرىلعان اۋدانارالىق سوتىندا قورىقشى ەرلان نۇرعالييەۆتى ولتىرگەندەرگە قاتىستى سوت ۇكىمى شىقتى. بۇل تۋرالى قازاقپارت سايتى حابارلادى.
قاراعاندى سوتى "وحوتزووپروم" ينسپەكتورى "ەرلان نۇرعالييەۆتى ءولتىردى"، قورىقشى "پەتر نيسىكتى ولتىرۋگە ارەكەت جاسادى" دەپ ايىپتالعان قىزىلوردانىڭ ءۇش تۇرعىنىنا ومىرلىك تۇرمە جازاسىن بەردى. سوت قايرات اقشانوۆ، بەرىك احمەتوۆ جانە نۇرلان شۇكىلدىكوۆتىڭ كىناسى سوتتا دالەلدەنگەنىن ايتتى.
وسىعان دەيىنگى سوت تىڭداۋىندا پروكۋرور بارلىق ءۇش ايىپتالۋشىعا ءومىر بويىنا باس بوستاندىعىنان ايىرۋ جازاسىن بەرىپ، ونى قاۋىپسىزدىگى ەرەكشە كولونيادا وتەۋدى سۇراعان بولاتىن.
سوت قالعان ايىپتالۋشىلار – بەردەن بازاروۆ، باتىربەك قايىربەكوۆ، جاراسحان مىرزابايەۆ جانە ايدوس اكىموۆتى (ولار "زاڭسىز اڭشىلىق قۇردى" دەپ ايىپتالعان) ءارقايسىسىن التى جىلعا باس بوستاندىعىنان ايىردى. سوت ۇكىمىن ەستىگەن ايىپتالۋشىلار ەموسياعا بەرىلىپ، ۇكىممەن كەلىسپەيتىنىن جەتكىزدى.
2019 جىلى 13 قاڭتاردا قاراعاندى وبلىسىندا براكونەرلەر "وحوتزووپروم" مەكەمەسىنىڭ قورىقشىلارى 52 جاستاعى ەرلان نۇرعالييەۆ پەن 58 جاستاعى پەتر نيسىكقا شابۋىلداعان. نۇرعالييەۆكە وق ءتيىپ، قازا تاپقان. ال نيسىك جاراقاتتانعان ەدى.
پىكىر قالدىرۋ