الماتى وبلىسى تۇرگەن اۋىلىنىڭ ءتۇرعىندارى سۋسىز وتىر دەپ جازادى Qamshy.kz اقپارات اگەنتتىگى. بۇل تۋرالى تۇرگەن اۋىلىنىڭ تۇرعىنى الادين مۇستافايەۆ ايتىپ بەردى.
"الماتى وبلىسى تۇرگەن اۋىلىنىڭ تۇرعىندارى 3 اپتا بويى سۋسىز وتىر. مەن مۇنىڭ سەبەبىن بىلگىم كەلەدى. ەگەر بيلىك بۇل ماسەلەنى تەز ارادا شەشىپ بەرمەسە، حالىق بۇدان ارتىق شىداي المايدى. قىستىڭ كۇنى سۋسىز وتىرعان تۇرعىندار نە سۋ ىشە الماي، نە جۋىنا الماي وتىر. بۇل قاشانعا دەيىن جالعاسپاق؟ تۇرعىندار ءارتۇرلى نۇسقالاردى ايتتى. سۋ قۇبىرىندا قانداي دا ءبىر اۋا بىتەلۋى پايدا بولعانىن جانە بەلگىلى ءبىر ۋاقىت كۇتۋ كەرەك ەكەن. ءبىراق مەن كىم نەنى كۇتىپ وتىرعانىن سول كۇيى تۇسىنبەدىم. وسى جايتقا جاۋاپتى ادامداردىڭ جۇمىس تەلەفونى ۇنەمى بوس بولمايدى. سونىمەن قاتار، جەرگىلىكتى نۇسقالاردىڭ ىشىندەگى ەڭ تانىمالى – سۋ قۇبىرلارى ەسكىرگەن، ال ونى اۋىستىرۋعا اقشا بولىنسە دە جۇمىس جۇرگىزىلمەگەن. مەملەكەت تاراپىنان حالىقتى اۋىز سۋمەن قامتاماسىز ەتۋ باعدارلامالارىنا بولىنگەن قوماقتى قاراجاتقا قاراماستان، تۇرگەن اۋىلىندا سۋ جوق"، - دەيدى الادين مۇستافايەۆ.
پىكىر قالدىرۋ