بۇل تۋرالى Qamshy.kz اقپارات اگەنتتىگى ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى دەرەگىنە سۇيەنە وتىرىپ حابارلايدى.
«ولاردىڭ ىشىندە ءبىرىنشى سانات بويىنشا (باسشىلار جانە ولاردىڭ ورىنباسارلارى) - 753 ادام (4%)، ەكىنشى سانات بويىنشا (قۇرىلىمدىق بولىمشەلەردىڭ باسشىلارى) - 4 364 (23%)، ءۇشىنشى سانات بويىنشا (ماماندار) – 9 613 (50%)، ءتورتىنشى سانات بويىنشا (بىلىكتى جۇمىسشىلار) – 1 749 (9%)، ماۋسىمدىق جۇمىستاردا – 926 (5%)، كورپوراتيۆتىك اۋىسىم شەڭبەرىندە 1 732 ادام (9%) تارتىلدى. شەتەلدىك جۇمىس كۇشىن تارتقان جۇمىس بەرۋشىلەردىڭ سانى – 2 021، ولاردا 479 342 قازاقستاندىق ازامات جۇمىس ىستەيدى، بۇل قىزمەتكەرلەردىڭ جالپى سانىنىڭ 96%-ىن قۇرايدى»، - دەلىنگەن حابارلامادا.
بۇدان بولەك، ۆەدومستۆو تاراتقان اقپاراتتا ميگرانتتاردىڭ كوبى ەڭبەك ەتىپ جۇرگەن قىزمەت ءتۇرى دە اتالعان. ماسەلەن، شەتەلدىكتەردىڭ باسىم بولىگى قۇرىلىس سالاسىندا – 8 582 ادام (45%)، تاۋ-كەن ونەركاسىبىندە 2 228 ادام (12%)، وڭدەۋ ونەركاسىبىندە – 1 586 (8%)،
سونداي-اق، كاسىبي، عىلىمي جانە تەحنيكالىق قىزمەتتە 1 397 شەتەلدىك (7%) قىزمەت ەتەدى.
سونىڭ ىشىندە ەڭبەك ميگرانتتارىنىڭ 28 پايىزى جۇڭگو ازاماتى. ياعني، 5 266 ادامعا جەتىپ وتىر. ال قالعان بولىگى تۇركيا – 1 935 (10%)، ءۇندىستان – 1 896 (10%)، ۇلىبريتانيا – 1 434 (8%)، وزبەكستان – 965 (5%) ەلدەرىنەن ەكەنى ايتىلعان.
پىكىر قالدىرۋ