شىمكەنتتە جالدامالى پاتەردەن ەكى ساربازدىڭ ءمايىتى تابىلدى. بۇل اقپاراتتى شىمكەنت قالالىق توتەنشە جاعدايلار دەپارتامەنتى حابارلادى.
"24 اقپان ساعات 8:40-تا جەدەل باسقارما پۋلتىنە كوپقاباتتى ۇيدەگى پاتەرلەردىڭ بىرىنەن 1994 جانە 1992 جىلى تۋعان ەكى ەر ادامنىڭ ءولى تابىلعانى حابارلاندى. ەكەۋى دە شىمكەنتتىڭ № 556/52 اسكەري بولىمىندە قىزمەت ەتكەن. پاتەر جالداپ تۇرعان. قاجەتتى سوت-مەديسينالىق ساراپتامالار تاعايىندالدى" دەلىنگەن دەپارتامەنت تاراتقان حابارلامادا.
تجد مالىمەتىنە قاراعاندا، ءۇيدى جىلىتۋ ماقساتىندا گاز پليتاسى قولدانىلعان. سالدارىنان پاتەردە تابيعي گاز ءيىسى تاراپ كەتكەن. سوعان بايلانىستى تجد-نىڭ ءۇش قىزمەتكەرى مەن پوليسيا دەپارتامەنتىنىڭ ءتورت قىزمەتكەرى جۇمىلدىرىلعان.
پىكىر قالدىرۋ