الماتى وبلىسىنىڭ پوليسەيلەرى ەسىرتكى زەرتحاناسىن اۋىزدىقتادى، دەپ حابارلايدى Qamshy.kz اقپارات اگەنتتىگى  Polisia.kz  دەرەگىنە سۇيەنە وتىرىپ.

ەسىرتكى بيزنەسىنە قارسى كۇرەس باسقارماسىنىڭ قىزمەتكەرلەرى جەدەل تەرگەۋ امالدارىنىڭ ناتيجەسىندە ىلە اۋدانىنىڭ ا. ەسىمدى تۇرعىنى ەسىرتكى زاتتارىن شىعارىپ، تاراتۋمەن اينالىسقانىن انىقتاعان.

سونداي-اق جەدەل-ىزدەستىرۋ ءىس-شارالارىن جۇرگىزۋ كەزىندە ساراپتاما اكتىلەرىمەن بەلگىلەنگەن “ماريحۋانا” ەسىرتكى زاتى بار 8 سىرىڭكە قورابى تاركىلەندى. اتالعان دەرەك سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىندە قىلمىستىق كودەكستىڭ 297-بابى 1-بولىگى بويىنشا تىركەلگەن.

"سانكسيالانعان ءتىنتۋ بارىسىندا ىلە اۋدانىنىڭ 47 جاستاعى اۋىل ازاماتىنىڭ تۇرعىن ءۇيىنىڭ ەكىنشى قاباتىنان “ماريحۋانا” ەسىرتكى زاتتارىن ءوسىرىپ، دايىنداپ، تاراتاتىن زەرتحانا تابىلدى. ونىڭ ءۇيىنىڭ ەكىنشى قاباتى ميكروكليماتتى قۇرۋ ماقساتىندا كۇن باتارەيالارىنىڭ كومەگىمەن قوسىمشا جىلىتىلعان. ءتىنتۋ جۇرگىزۋ كەزىندە سالماعى 26 كگ-عا جۋىق 47 بۇتا، 295 وراما جانە سالماعى 8،5 كيلوگرامم دايىن ەكى قاپ “ماريحۋانا” تابىلدى جانە تالكىلەندى. ەسىرتكى وسىمدىكتەرىن ءوسىرۋ، اسا ءىرى مولشەردە دايىنداۋ جانە ساقتاۋ دەرەگى بويىنشا قىلمىستىق كودەكستىڭ 300-بابىنىڭ 1ء-بولىمى، 296-بابىنىڭ 4ء-بولىمى بويىنشا قىلمىستىق ءىس قوزعالدى. كىناسىن مويىنداپ جاۋاپ بەرگەن كۇدىكتى ۋاقىتشا ۇستاۋ وقشاۋلاعىشىنا قاماۋعا الىندى”، – دەپ حابارلايدى الماتى وبلىسى پد ەسىرتكى بيزنەسىنە قارسى كۇرەس باسقارماسىنىڭ باستىعى قازبەك مۇحامەدوۆ.