دەنساۋلىق ساقتاۋ مينيسترلىگى توكيودان كەلگەن جولاۋشىلاردان كارانتين ءۇشىن كەشىرىم سۇرادى.
"ق ر دەنساۋلىق ساقتاۋ مينيسترلىگى 2020 جىلى 24 اقپاندا توكيودان (جاپونيا) Skat اۋەكومپانياسىنىڭ ۇشاعىمەن كەلگەن جولاۋشىلاردى 14 كۇنگە كارانتينگە جىبەرگەن قولايسىزدىعى ءۇشىن كەشىرىم سۇرايدى. شۇعىل سانيتارلىق-كارانتيندىك شارالاردىڭ نەگىزگى ماقساتى – ازاماتتاردىڭ دەنساۋلىعىنا ءقاۋىپ توندىرەتىن كوروناۆيرۋستىق ينفەكسيانىڭ ورشۋىمەن بايلانىستى قاۋىپسىزدىكتى قامتاماسىز ەتۋ. شەشىم جان-جاقتى قاراستىرىلعان بارلىق شارتتارمەن جانە قاتاڭ مەرزىمدەرمەن ءبىر ۋاقىتتا قابىلدانعانىن اتاپ ءوتۋ كەرەك. قازىرگى ۋاقىتتا بۇل ۇشاقتاعى بارلىق جولاۋشىلار مەن ەكيپاجدار نۇر-سۇلتاننان 7 شاقىرىمدا ورنالاسقان مەديسينالىق مەكەمەدە دارىگەرلەردىڭ تاۋلىك بويى باقىلاۋىندا بولادى. ولاردان اناليز الىنىپ، ونىڭ سىنامالارى تالدانۋ ءۇشىن الماتى قالاسىنداعى ايقىمبايەۆ اتىنداعى اسا ءقاۋىپتى جۇقپالى ينفەكسيالار ۇلتتىق عىلىمي ورتالىعىنا جىبەرىلدى. كارانتينگە الىنعانداردىڭ جاعدايى قاناعاتتانارلىق دەڭگەيدە" دەلىنگەن دەنساۋلىق ساقتاۋ مينيسترلىگىنىڭ facebook پاراقشاسىنا جاريالاعان حابارلاماسىندا.
مينيستر كارانتينگە جاتقىزىلعانداردىڭ ۆيرۋس جۇقتىرماعانىن ايتتى.
"كارانتينگە جاتقىزىلعان ادامدار اۋرۋ ادامدار ەمەس! جاپونيادان، وڭتۇستىك كورەيادان، گونكونگتان، يراننان، يتاليادان كەلگەن جولاۋشىلارعا 14 كۇندىك وقشاۋلاۋ، ۇيدە كارانتيندە ۇستاۋ سەكىلدى شارالار قاراستىرىلعان. بۇل ءسىزدىڭ جاقىندارىڭىزدىڭ مۇددەسى ءۇشىن جاسالۋدا!" دەپ جازدى ءبىرتانوۆ.
پىكىر قالدىرۋ