جامبىل وبلىسىنىڭ قورداي اۋدانىنداعى جاپپاي تارتىپسىزدىكتەر بويىنشا 120-دان استام قىلمىستىق ءىس تەرگەلىپ جاتىر. بۇل تۋرالى ۇكىمەتتەگى بريفينگتە ىشكى ىستەر مينيسترلىگىنىڭ تەرگەۋ دەپارتامەنتىنىڭ باسشىسى سانجار ءادىلوۆ مالىمدەدى.

– قازىرگى ۋاقىتتا ادام ءولىمى بويىنشا قىلمىستىق كودەكستىڭ 99-بابىنا سايكەس 11 قىلمىستىق ءىس تەرگەلىپ جاتىر. تەرگەۋ جۇرگىزىپ جاتقان ۆەدومستۆوارالىق تەرگەۋ-جەدەل توبىن باس پروكۋراتۋرا باسقارادى. وكىنىشكە قاراي، قىلمىستىق-پروسەستىك كودەكستىڭ 201-بابىنا سايكەس تەرگەۋدىڭ الدىن الا قورىتىندىسىن، سونداي-اق قىلمىستىق جاۋاپقا تارتىلعان، قاماۋعا الىنعان ادامداردىڭ سانىن ايتا المايمىن، – دەدى ءادىلوۆ.

بۇعان دەيىن 90 قىلمىستىق ءىس قوزعالعانى حابارلانعان ەدى.

دەپارتامەنت باسشىسى قازىرگى تاڭدا قاماۋدا وتىرعانداردىڭ جانە كۇدىككە ىلىنگەندەردىڭ بار ەكەنىن راستادى. ازىرگى تەرگەۋ جۇمىستارى جۇرگىزىلۋدە.