بۇل تۋرالى Qamshy.kz اقپارات اگەنتتىگى Azattyq Rýhy دەرەگىنە سۇيەنىپ حابارلايدى.
اۋىل اكىمدىگى تەك 1 تاۋلىكتەن كەيىن عانا تراكتور جىبەرگەن. ال تۇرعىندار بۇل ارالىقتا قورا-قوپسىنى ايتپاعاندا، باۋ-باقشانىڭ قۇنارلى توپىراعى اعىن سۋمەن كەتكەنىن ايتادى.
«كول جاساندى ەمەس، تابيعي كول. ارناسىنا سىيماعان سۋى جەردى تەسىپ شىعىپ، اۋىلعا قاراي اعىپ جاتىر. بىرنەشە ءۇيدى شايىپ ۇلگەردى. اكىمدىككە حابارلادىق. ولار دەر كەزىندە كومەكتەسە الماي وتىر. ءوزىمىز قۇم تاسىدىق. اكىم كەلدى، ۇيلەرىڭە كىرمەپتى عوي دەپ كەتىپ قالدى»، - دەيدى جولامان اۋىلىنىڭ تۇرعىنى.
بەلگىلى بولعانداي، اۋىل اكىمى اراعا ءبىر تاۋلىك وتكەن سوڭ عانا جالعىز تەحنيكا جىبەرىپتى. وندا دا ءبىر عانا تراكتور كەلىپ، ارنانى بىتەگەن.
وسى رەتتە، بۇل جاعدايعا بايلانىستى اۋدان اكىمدىگىنە حابارلاسقانبىز.
"قاجەتتى تەحنيكا اۋدان ورتالىعىنان ەرتەڭىندە باردى. ءبىراق بۇل جەردە تەحنيكانى قاجەت ەتەتىندەي اپات ورىن الماعان. كولشىك تابيعي بولعانمەن دە، تۇرعىندار باۋ-باقشانى سۋارۋ ماقساتىندا جاساندى ارىق قىلىپ بۇرىپ العان ەكەن. سۋ دەڭگەيى كوتەرىلگەن كەزدە سول جەردى شايىپ كەتكەن. زارداپ شەككەندەر جوق جانە ەشبىر باسپاناعا زاقىم كەلمەگەن. قازىرگى ۋاقىتتا اپات ورىن العان جەر قالپىنا كەلتىرىلدى. جاعداي قالىپتى"، - دەيدى كەربۇلاق اۋدانى اكىمىنىڭ باسپا ءسوز قىزمەتى.
ال تۇرعىندار اۋىل اكىمىنىڭ بۇل ۋاجىمەن كەلىسپەيدى. ەلدى-مەكەننىڭ قىر جەلكەسىندە تۇرعان تابيعي كولدەن ءقاۋىپ ءالى تولىق سەيىلمەگەنىن ايتادى.
اتاپ وتەيىك، جولامان اۋىلىندا 2 مىڭعا جۋىق تۇرعىن بار. اۋىل جاستارىنىڭ كوبى قالاعا كەتكەندىكتەن، حالىقتىڭ دەنى زەينەتكەرلەر.
پىكىر قالدىرۋ