بەلگىلى بولعانداي، اتالعان ءوندىرىس ورنى ءۇلبى مەتاللۋرگيا زاۋىتىنىڭ بازاسىندا سالىنىپ جاتىر. جاڭا ءوندىرىس وشاعى قىتايدىڭ  اتوم ەنەرگەتيكا ستانسياسىنا ارنالعان جىلۋ شىعاراتىن قۇرىلعى جاسايدى.

القا ماجىلىستە  «قازاتومونەركاسىپ» ۇلتتىق اتوم كومپانياسى باسقارما ءتوراعاسىنىڭ ءوندىرىس جونىندەگى ورىنباسارى باۋىرجان يبرايەۆ العاشقى ءونىمنىڭ قاي ۋاقىتتا شىعاتىنىن دا ءمالىم ەتتى.

ناقتىراق ايتقاندا، قازاقستان ۇسىناتىن قىتايدىڭ اتوم ستانسياسىنا قاجەتتى ءونىم  2021 جىلدىڭ ءبىرىنشى جارتى جىلدىعىندا شىعادى.

«بۇگىندە «قازاتومونەركاسىپ» قىتايلىق CGN كومپانياسىمەن بىرلەسە وتىرىپ، ءۇلبى مەتاللۋرگيا زاۋىتىنىڭ بازاسىندا قىتايدىڭ اتوم ەنەرگەتيكا ستانسياسىنا ارناپ، جىلۋ شىعاراتىن قۇرىلعى وندىرەتىن زاۋىت قۇرىلىسىن اياقتاۋعا جاقىندادى. بۇل جوبا زاۋىتتىڭ ءونىمى جىلىنا 200 توننا جىلۋ شىعاراتىن قۇرىلعى ساتا الادى دەگەن كەپىلگە يە. العاشقى ءونىمدى 2021 جىلدىڭ ءبىرىنشى جارتىجىلدىعىندا سەرتيفيكاسيالاۋ جۇمىستارىنىڭ ءبارى اياقتالعان سوڭ، ساتىلادى دەگەن بولجام بار. جىلۋ شىعاراتىن قۇرىلعى ءوندىرىسى ءۇشىن بازالىق تەحنولوگيا رەتىندە فرانسيانىڭ Framatome تەحنولوگياسى تاڭدالدى»، - دەيدى باۋىرجان يبرايەۆ.

ءارى قاراي وقىڭىز: قازاقستاندا ەڭبەك ميگرانتتارىنىڭ 28 پايىزى جۇڭگو ازاماتى