دەپۋتات ۆلاديسلاۆ كوساريەۆ اقمولا وبلىسىنداعى كالاچي جانە كراسنوگورسك قالالارىنىڭ «ۇيىقتاپ جاتقان» اۋىل تۇرعىندارىنىڭ ماسەلەسىن ءماجىلىس وتىرىسىندا كوتەردى. بۇل تۋرالى تengrinews.kz حابارلادى. 

– اقمولا وبلىسى، ەسىل اۋدانى، كالاچي جانە كراسنوگورسكيي اۋىلدارىندا قايعىلى وقيعا سالدارىنان تۇرعىنداردىڭ ۇيىقتاپ جاتقاندارىنا 4 جىلدان استام ۋاقىت ءوتتى. بۇل اۋرۋمەن 180-نەن استام ادام تىركەلدى، ولاردىڭ كوپشىلىگى ءالى كۇنگە دەيىن وزدەرىن ناشار سەزىنىپ، زارداپ شەگۋدە. وسى ماسەلە تۋرالى ۇكىمەت ازاماتتاردى باسقا جەرلەرگە ورنالاستىرىپ،  ارنايى اقشا بولىنگەن بولاتىن، – دەپ دەپۋتات باس پروكۋرور مەن سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسىنان سۇرادى.

ول حالىقتىڭ تۇرعىن ءۇي سالۋعا بولىنگەن قاراجاتتىڭ قايدا جۇمسالعانىن تەكسەرۋدى تالاپ ەتىپ وتىرعاندىعىن ايتىپ ءوتتى.

– كەشە ولار بىزدە قابىلداۋدا بولدى، ول جەردە ءقازىر 30 وتباسى تۇرىپ جاتىر. ولار شامامەن 1 ملرد 800 ملن تەڭگە بولعانىن ايتتى، – دەدى دەپۋتات.