24ء-شى اقپاندا الماتى وبلىسىنا قاراستى تۇرگەن اۋىلىندا تۇرعىنداردىڭ 3 اپتا بويى سۋسىز وتىرعانىن Qamshy.kz اقپارات اگەنتتىگى حابارلاعان بولاتىن. ناتيجەسىندە حالىقتىڭ جان-ايقايى باسشىلىقتىڭ نازارىنا ىلىگىپ، اۋىل تۇرعىندارى تولىققاندى سۋمەن قامتاماسىز ەتىلگەنى انىقتالدى.
اعىمداعى جىلدىڭ 18-25 اقپان ارالىعىندا «قونايەۆ» اتىنداعى ۇاك تۇرگەن توپتىق سۋ تورابىنداعى باستاپقى سۋ قابىلداۋ ورنىندا تاۋدان كەلەتىن سۋ كولەمىنىڭ ازايۋ سەبەبىنەن، تۇرگەن اۋىلىنىڭ شىناسىل بوركە كوشەسىندە اۋىز سۋ تاپشىلىعى ورىن العان. وكرۋگ اكىمى اپپاراتى تاراپىنان اعىمداعى جىلدىڭ 19 اقپانىندا كوميسسيا قۇرىلىپ، جوعارىدا كورسەتىلگەن سۋ قابىلداۋ ورنىندا كۇندەلىكتى شىعىپ، سۋ دەڭگەيىنىڭ كولەمىنە باقىلاۋ جۇرگىزدى.
بۇگىنگى تاڭدا تۇرگەن توپتىق سۋ تورابىنداعى باستاپقى سۋ قابىلداۋ ورنىندا سۋ دەڭگەيى كوتەرىلىپ، تۇرگەن اۋىلى تولىققاندى سۋمەن قامتاماسىز ەتىلۋدە.
الماتى وبلىسى اكىمىنە Qamshy.kz اقپارات اگەنتتىگى ارقىلى ءوتىنىش بىلدىرگەن الادين مۇستافايەۆ 2015-2020 جىلدارعا ارنالعان شارۋاشىلىق ەسەپ داپتەرىندە جانە «ە-حالىق» اقپاراتتىق جۇيەسىندە تۇرگەن اۋىلىنىڭ تۇرعىنى رەتىندە تىركەلمەگەن. سونىمەن قاتار ول وكرۋگ اكىمى اپپاراتىنا اتالعان ماسەلە بويىنشا جازباشا جانە اۋىزشا ءوتىنىش بىلدىرمەگەن.
پىكىر قالدىرۋ