اقتوبە وبلىسى قارابۇتاق اۋىلىنا جاقىن جەردە 45 جولاۋشىسى بار اۆتوبۋس اۋدارىلدى. اۆتوبۋستا 45 جولاۋشىدان بولەك 3 جۇرگىزۋشى بولعان. بۇل تۋرالى diapazon.kz حابارلادى.
اقتوبە وبلىستىق پوليسيا دەپارتامەنتىنىڭ مالىمەتىنشە، اۆتوبۋس شىمكەنتتەن ەكاتەرينبۋرگكە بارا جاتقان. جول اپاتى شامامەن ساعات 20.00-دە قارابۇتاق اۋىلىنان 20 شاقىرىم جەردە بولعان. اۆتوبۋس جولدىڭ شەتىنە اۋدارىلىپ كەتكەن.
اۆتوبۋستاعى 3 جۇرگىزۋشى - قازاقستاندىق، ال قالعان 45 جولاۋشى تاجىكستاندىق. جول-كولىك وقيعاسىنان ەشكىم زارداپ شەككەن جوق. جولاۋشىلاردى قۇتقارۋشىلار مەن پوليسەيلەر ەۆاكۋاسيالاعان.
پىكىر قالدىرۋ