كورەيا رەسپۋبليكاسىندا كوروناۆيرۋسقا شالدىققاندار سانى 334 ادامعا ارتىپ، 1595-كە جەتتى. 12 ادام قايتىس بولدى. بۇل تۋرالى كورەيا دەنساۋلىق ساقتاۋ مينيسترلىگىنە قاراستى سىرقاتتى باقىلاۋ مەن پروفيلاكتيكا ورتالىعى حابارلادى، دەپ جازادى تاسس.
وڭتۇستىك كورەيا كوروناۆيرۋس جۇقتىرعاندار سانى بويىنشا الەمدەگى ەكىنشى مەملەكەتكە اينالىپ وتىر. سوڭعى تاۋلىكتە ۆيرۋسقا شالدىققاندار سانى قىتايداعى جەلتوقساندا تىركەلگەن كورسەتكىشكە جۋىقتاعان.
قىتايدا وتكەن تاۋلىكتە 433 ادامنىڭ ۆيرۋستى جۇقتىرىپ، 29 ادامنىڭ كوز جۇمعانى بەلگىلى بولدى.
كوروناۆيرۋس ەپيدەمياسى شىققالى 2744 ادام اجال قۇشىپ، 78،4 مىڭ ادام ۆيرۋستى جۇقتىرعان. 32،4 مىڭ ادام اۋرۋدان تولىق ەمدەلگەن.
سوڭعى كۇندەرى كوروناۆيرۋستىڭ تارالۋ ايماعى كەڭەيە تۇسكەن. تاياۋدا گرۋزيا سىرقاتتىڭ العاشقى جاعدايى تىركەلگەنىن حابارلادى. گرۋزيا دەنساۋلىق ساقتاۋ ءمينيسترى ەكاتەرينا تيكارادزە يراننان ازەربايجان ارقىلى ەل اۋماعىنا وتكەن ازاماتتان ۆيرۋستىڭ انىقتالعانىن ءمالىم ەتتى.
سونداي-اق پاكىستاندا سىرقاتتىڭ ەكى جاعدايى انىقتالعان. ۆيرۋستى جۇقتىرعان ەكى ازامات تا جۋىردا يراندا بولىپ قايتىپتى.
سونىمەن قاتار كوروناۆيرۋس برازيليا، نورۆەگيا، رۋمىنيا، گرەكيا، جانە سولتۇستىك ماكەدونيادا تىركەلگەن.
بۇگىندە اتالعان ۆيرۋس ينۆەكسياسى 48 ەلدە انىقتالىپ وتىر. دۇنيەجۇزىلىك دەنساۋلىق ساقتاۋ ۇيىمى وڭتۇستىك كورەيا، يتاليا جانە يران ەلدەرى سياقتى اۋرۋ وشاقتارىنداعى جاعدايلارعا قاتتى الاڭداۋلى.
پىكىر قالدىرۋ