ايتىسكەر اقىن رينات زايىتوۆ تەرگەۋ يزولياتورىندا قايتىس بولعان ەلوردالىق بەلسەندى دۋلات اعادىلگە ارناپ ولەڭ شىعاردى. ول دۋلات ءاعادىلدى ساياسي ويىننىڭ قۇربانى دەپ ەسەپتەيدى.
"ەلىمە كىشكەنتاي بولسا دا پايدام تيسە ەكەن دەپ جۇرگەن، ەش جازىقسىز، التى بالانىڭ اكەسى دۋلات ءاقادىل دە جاۋىزداردىڭ ساياسي ويىنىنىڭ قۇربانى بولدى. وكىنىشتى....
حالىقتى وڭاي الداي الاتىندار،
ارۋاققا قارا داق جاعاتىندار،
سوقىر، مىلقاۋ ، ساڭىراۋ، جۇرەكسىزدەر،
تۇك بىلمەي، تۇك ەستىمەي قالاتىندار
جەك كورەمىن سەندەردى!
جازىقسىزعا ءجۇز جالا جاباتىندار،
ءوز ۇلتىنا ۇيالماي شاباتىندار،
تورەسىنىڭ كوڭىلىن تابۋ ءۇشىن
ءوز تۋىسىن ولتىرە الاتىندار،
جەك كورەمىن سەندەردى!
ال قاماڭدار، ساباڭدار، ال اتىڭدار
جۇرتتى جازىقتى قىلا سالاتىندار
قاي دۇنيەدە ەكەنىن قۇداي بىلەر
ءبارىڭنىڭ جاۋاپ بەرەر ساعاتىڭ بار!
جەك كورەمىن سەندەردى!!!"-دەپ جازدى رينات زايىتوۆ.
