بەلورۋستە كوروناۆيرۋسپەن اۋىرعان العاشقى ناۋقاس تىركەلدى. بۇل تۋرالى بەلارۋس دەنساۋلىق ساقتاۋ مينيسترلىگىنىڭ باسپا ءسوز قىزمەتى حابارلاعان.

"27 اقپاندا رەسپۋبليكالىق ەپيدەميولوگيا جانە ميكروبيولوگيا عىلىمي-پراكتيكالىق ورتالىعىندا وتكىزىلگەن سىناقتار يراننان كەلگەن 1 ستۋدەنتتىڭ 2019-nCoV كوروناۆيرۋسىن جۇقتىرعانىن كورسەتتى"، - دەپ جازعان بەلارۋس دەنساۋلىق ساقتاۋ مينيسترلىگى. 

ايتا كەتەيىك، قىتايدا 78 824 ادام كوروناۆيرۋس جۇقتىرعان، ونىڭ ىشىندە قازىرگى ۋاقىتتا 39 919 ادام اۋىرىپ جاتىر (7 952 ادامنىڭ جاعدايى اۋىر)، 36 117 ادام اۋرۋحانادان شىعارىلدى جانە 2 788 ادام قايتىس بولدى. 

دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) مالىمەتتەرى بويىنشا، قىتايدان تىس جەرلەردە كوروناۆيرۋس جۇقتىرعاندار سانى 46 ەلدە 3664 ادامعا جەتتى، 57 ادام قايتىس بولدى.