اتىراۋ وبلىسىندا ەكى كولىك قاقتىعىسىنان 5 ادام قازا تاپتى. بۇل تۋرالى polisia.kz حابارلادى.
بۇگىن تاڭەرتەڭ اتىراۋ وبلىسىندا تەڭىز ۆاحتالىق كەنتىنەن 25 شاقىرىم جەردەگى "قۇلسارى-تەڭىز" تاس جولىندا ەكى كولىك سوقتىعىسقان. ناتيجەسىندە 5 ادام كوز جۇمدى.
رەسەيلىك تىركەۋدەگى "Chevrolet Aveo" ماركالى اۆتوكولىگىندە 4 ادام بولعان. بارلىعى وقيعا ورنىندا قايتىس بولدى. قاراما-قارسى باعىتتا كەلە جاتقان ەكىنشى "لادا2131" كولىگىندە باتىس قازاقستان وبلىسىنىڭ تۇرعىندارى بولعان. جۇرگىزۋشى سول مەزەتتە العان اۋىر جاراقاتىنان كوز جۇمدى. ال ەكىنشى جولاۋشى اۋرۋحاناعا جەتكىزىلدى.
سوتقا دەيىنگى تەرگەۋ 345- بابتىڭ 4-بولىگى "ابايسىزدا ەكى نەمەسە بىرنەشە ادامنىڭ ولىمىنە اكەپ سوققان جول ەرەجەلەرىن بۇزۋ" بويىنشا جۇرگىزىلۋدە.
پىكىر قالدىرۋ