الەۋمەتتىك جەلىدە تەرگەۋ يزولياتورىندا قايتىس بولعان ەلوردالىق بەلسەندى دۋلات ءاعادىلدىڭ ءمايىتى تۇسىرىلگەن ۆيدەو تاراۋدا. ۆيدەونى ءتۇسىرۋشى مارقۇمنىڭ دەنەسىندە بىرنەشە جاراقات بولعانىن ايتادى.

ۆيدەونى تۇسىرگەن ادام ءمايىتتىڭ 2 كۇندىك ساراپتامادان وتكەنىن ايتادى. بەينەجازبادان مارقۇمنىڭ تابانىندا، ارقاسىندا جاراقات بارىن، يىعىنىڭ كوگەرىپ، ساۋساعىنىڭ قارايىپ كەتكەنىن بايقاۋعا بولادى. 

وسىعان دەيىن ىشكى ىستەر ءمينيسترىنىڭ ورىنباسارى ارىستانعالي زاپپاروۆ دۋلات ءاعادىل پوليسيا قىزمەتكەرلەرى ۇيىنەن الىپ كەتكەن كەزدە ماس بولعانىن ايتقان. 

– تاڭعى ساعات 6-دا تاماعىن ىشكەن. 7-دە دارەتحاناعا كەتەدى. ودان شىعىسىمەن تىزەرلەپ وتىرىپ، ەسىنەن تانىپ قۇلاپ قالعان. كامەراداعىلار ءاعادىلدىڭ دەنساۋلىعىنىڭ ناشارلاعانى تۋرالى باقىلاۋشىعا حابارلايدى. ول العاشقى مەديسينالىق جاردەم شاقىرادى. كەلگەن جەدەل جاردەم ءاعادىلدىڭ كوز جۇمعانىن تىركەيدى. تەكسەرگەن كەزدە دەنەسىنەن زورلىق-زومبىلىق بەلگىلەرى انىقتالمادى. بۇگىندە وعان جۇرەك قان-تامىرلارىنىڭ جەتىسپەۋشىلىگى دياگنوزى قويىلىپ وتىر. بەينەكامەرا ونىڭ ۇيىقتاپ الماي، مازاسىندانىپ جۇرگەنىن كورسەتتى، – دەپ مالىمدەگەن بولاتىن زاپپاروۆ.