Respublika قوزعالىسى facebook پاراقشاسىندا قازاقستاننىڭ دەموكراتيالىق پارتياسىمەن بىرگە 1 ناۋرىزعا جوسپارلانعان ميتينگكە شىعاتىنىن مالىمدەدى.

"ءار ازامات قوعامعا، ادامدارعا زيانسىز، زاڭعا، دەموكراتيا پرينسيپتەرىنە قايشى كەلمەيتىن كەز كەلگەن كوزقاراستى ۇستانۋعا، تاڭداۋعا قاقىلى. سوندىقتان، دۋلات ءاعادىلدىڭ قازاسى – جەكە ادامنىڭ نەمەسە قوزعالىستىڭ ەمەس، قازاقستاننىڭ ادام قۇقىعىن باستى قۇندىلىق سانايتىن بارشا ازاماتىنىڭ ورتاق قايعىسى دەپ ەسەپتەيمىز.

تالابىمىز:

1. دۋلات ءاعادىلدىڭ ولىمىنە كىنالىلەر زاڭ بويىنشا جازاسىن الۋى كەرەك. ونىڭ ءولىمى – ونى تۇتقىنداۋ مەن قاۋىپسىزدىگىن قامتاماسىز ەتە الماۋىنىڭ سالدارى دەپ ەسەپتەيمىز؛

2. ءقازىر تۇرمەدە وتىرعان بارلىق ساياسي تۇتقىنداردى بوساتۋ.

3. قازاقستاندا ساياسي كوزقاراستارى ءۇشىن قۋدالاۋدى، قىسىم كورسەتۋدى توقتاتۋ؛

4. وسىنداي زاڭ بۇزۋلارعا قارسى جاۋاپكەرشىلىكتى كۇشەيتۋ، ءادىل، تاۋەلسىز سوت جۇيەسىن قۇرۋ.

5. حالىقپەن ديالوگ جاساندى، كوزبوياۋ كەڭەستەردە ءجۇرۋى مۇمكىن ەمەس. ەستيتىن ۇكىمەت قىرتقان ءسوز بولماي، ءىس جۇزىندە دالەلدەنسىن. حالىقتىڭ شىن داۋسىن ەستىگىسى كەلسە، ەركىن، بەيتاراپ الاڭعا كەلسىن.

ءقازىر ساياسي ۇستانىم، كوزقاراستاردىڭ ايىرماسىنا قاراپ بولىنەتىن ۋاقىت ەمەس. ءبىز تالاپ ەتەتىن وزگەرىستەر مەن قول جەتكىزگىمىز كەلەتىن ماقسات ورتاق. ءومىر ءسۇرۋ، تاڭداۋ، ساياسي جانە باسقا دا ەركىندىگىمىزدى قورعاۋعا دايىنبىز. قازىرگى بيلىك بۇل قۇقىقتارىمىزدى قامتاماسىز ەتۋگە قابىلەتسىز، ءتىپتى مۇددەلى ەمەس ەكەنىن تولىق دالەلدەپ ءبىتتى. ءقازىر ءۇنسىز قالساق، كەلەسى قۇربان كەز كەلگەنىمىز بولاتىنىمىزدى جانە ول ءۇشىن ەشكىم جاۋاپ بەرمەيتىنىن ءارقايسىمىز ۇعاتىن كەز جەتتى.

ەركىندىك قىلمىس ەمەس!