ساۋد ارابياسىنىڭ تۋريزم مينيسترلىگى كوروناۆيرۋستىڭ كوپتەگەن جاعدايلارى تىركەلگەن قازاقستان جانە باسقا 6 ەلدىڭ ازاماتتارىنا ەلەكتروندى تۋريستىك ۆيزالاردى بەرۋدى ۋاقىتشا توقتاتۋعا شەشىم قابىلدادى دەپ جازادى Qamshy.kz اقپارات اگەنتتىگى.
"كوروناۆيرۋستىڭ تارالۋىنىڭ الدىن الۋ ماقساتىندا جۇڭگو، جاپونيا، سينگاپۋر، وڭتۇستىك كورەيا، مالايزيا، يتاليا جانە قازاقستان ازاماتتارىنا ەلەكتروندى تۋريستىك ۆيزالار بەرۋ توقتاتىلدى. بۇل ەلدەردىڭ ازاماتتارى ساۋديالىق اۋەجايلارعا كەلگەن كەزدە تۋريستىك ۆيزا الا المايدى"، - دەلىنگەن حابارلامادا.
SPA جاڭالىقتار اگەنتتىگىنىڭ حابارلاۋىنشا، بۇعان دەيىن وسى ەلدەردىڭ تۋريستىك ۆيزالارىن العان ادامدار ازىرگە ونى پايدالانا المايدى جانە ساۋد ارابياسىنا بارا المايدى. كورولدىك بيلىگى بۇل "ۋاقىتشا شارا" ەكەنىن مالىمدەدى.
پىكىر قالدىرۋ