بۇگىن سەناتتا «اگروونەركاسىپتىك كەشەندى دامىتۋ ماسەلەلەرى» جونىندەگى پارلامەنتتىك تىڭداۋ ءوتىپ، جوعارى پالاتا سپيكەرى داريعا نازاربايەۆا «اگرارلىق سەكتورداعى جالپى ىشكى ءونىمنىڭ ۇلەسى 10 جىل ىشىندە 5% اسقان جوق، ال سوڭعى جىلدارى تۇراقتى تۇردە تومەندەپ كەلەدى» دەپ سىن ايتتى. بۇل تۋرالى Qamshy.kz اقپارات اگەنتتىگى اzattyq-ruhy.kz دەرەگىن نەگىزگە الىپ حابارلايدى.
سەنات ءتوراعاسىنىڭ پىكىرىنشە «قازاقستاننىڭ ەت وداعى» بىرلەستىگىنىڭ ءتوراعاسى، اۋىل شارۋاشىلىعىن باسقارعان ەكس-مينيستر اسىلجان مامىتبەكوۆ جاۋاپ بەردى. ول اۋىل شارۋاشىلىعى سالاسىندا پروبلەما بار، ءبىراق ءوسىمدى دە جوققا شىعارۋعا بولمايدى.
– سوڭعى 10 جىلدا اۋىل شارۋاشىلىعى سالاسى توقىراۋعا ۇشىراعانى جايلى ايتىلدى. بۇل سالادا پروبلەما جوق دەي المايمىن. ماسەلە وتە كوپ، ءبىراق سالاداعى ءوسىم مەن ديناميكانى جوققا شىعارۋ دۇرىس ەمەس، –دەدى ەكس-مينيستر.
اسىلجان مامىتبەكوۆ 2019 جىلدىڭ كورسەتكىشتەرى ءالى ناقتىلانباعاندىقتان، 2010-2018 جىلدارداعى ەل ەكونوميكاسىنىڭ نەگىزگى سالالارى بويىنشا ناقتى ءوسىم بويىنشا ءبىرقاتار دالەل كەلتىردى.
- ونەركاسىپ سالاسى - 224،8 % (قايتا وڭدەۋ بويىنشا اۋىل شارۋاشىلىعى سالاسىنىڭ دا ۇلەسى بار)؛
- قۇرىلىس سالاسى - 198،7 %؛
- كولىك سالاسى - 168،2 %
- اۋىل شارۋاشىلىعى - 245،5 %؛
2010 جىلى جالپى ىشكى ءونىم كولەمى 1،822 ترلن تەڭگەنى قۇراعان. ال، 2018 جىلدىڭ قورىتىندىسى بويىنشا بۇل كورسەتكىش 4،474 ترلن تەڭگەگە جەتكەن. ءوسىم 245،5%-دى كورسەتكەن جانە بۇل جوعارىدا اتالعان ەل ەكونوميكاسىنىڭ نەگىزگى سالالارىنىڭ بارلىعىنان كوپ.
– اۋىل شارۋاشىلىعى سەكتورىنداعى ءجىو ۇلەسى بويىنشا افريكانىڭ گۆينەيا-بيساۋ (62%)، سومالي (65%)، ليبەريا(76،9 %) سياقتى كەدەي ەلدەرى كوش باستاپ تۇر. ال، جەتەكشى اگرارلىق دەرجاۆالاردا اگرارلىق سەكتورداعى جالپى ىشكى ءونىمنىڭ ۇلەسى 2% شاماسىندا. اقش-تا - 1،2%، گەرمانيادا - 0،9%، نيدەرلاندتا -1،7%. بۇل ەلدەردەگى كورسەتكىش بىزدەگىدەن دە تومەن. سوندىقتان سالاداعى ءجىو ۇلەسى اۋىل شارۋاشىلىعىن دامىتۋداعى باستى كورسەتكىش ەمەس، – دەپ ايتتى ەكس-مينيستر.
پىكىر قالدىرۋ