الەۋمەتتىك جەلىدە تەرگەۋ يزولياتورىندا قايتىس بولعان ەلوردالىق بەلسەندى دۋلات ءاعادىلدىڭ ءمايىتى تۇسىرىلگەن ۆيدەو تاراعان. بۇگىن اتالمىش ۆيدەوعا قاتىستى باس پروكۋراتۋرا بريفينگ وتكىزدى.
باس پروكۋروردىڭ ورىنباسارى ەلدوس كەلىمجانوۆ اتالمىش ۆيدەو دۋلات ءاعادىلدىڭ تۋىستارىنىڭ رۇقساتىنسىز جاريالانعانىن ەسكەرتتى.
– جەلىدە تاراعان ۆيدەودا مايىتتە كوگەرگەن داقتار بارى تۋرالى ايتىلادى. ونى دەنە جاراقاتى دەپ ايتادى. مۇندا ونىڭ پايدا بولۋ سەبەبىن تۇسىندىرە الاتىن ماماندار بار. مايىتتەگى داقتار - بۇل بيولوگيالىق ءولىمنىڭ بەلگىلەرى. مەديسينالىق تىلمەن ايتقاندا، داقتار ادامنىڭ جۇرەگى توقتاعاننان كەيىن كەمىندە ءبىر ساعات وتكەننەن كەيىن پايدا بولادى، – دەيدى نۇر-سۇلتان قالاسى پروكۋرورىنىڭ ورىنباسارى ەلدوس قەلىمجانوۆ.
سونداي-اق ەلدوس كەلىمجانوۆ سوت مەديسينالىق ساراپتاماسىنا دۋلات ءاعادىلدىڭ ادۆوكاتى مەن ونىڭ اعاسى قاتىسقانىن ايتتى.
– مارقۇمنىڭ اعاسى مەن ادۆوكات ازانوۆ ساراپتاما قورىتىندىسىنا شاعىمدانعان جوق. ءمايىتتى ساراپتاۋ مەن زەرتتەۋ بارىسى ۆيدەوعا ءتۇسىرىلدى. ەتيكا تالاپتارىنا بايلانىستى جانە تۋىستارى رۇقسات بەرمەگەندىكتەن ۆيدەونى جاريالاي المايمىز. بۇعان دەيىن ساراپتامانىڭ الدىن الا قورىتىندىسىن ايتقانبىز. ءاعادىل جۇرەك قانتامىرلارىنىڭ جەتىسپەۋشىلىگىنەن قايتىس بولعان، – دەدى كەلىمجانوۆ.
پىكىر قالدىرۋ