سەنات سپيكەرى داريعا نازاربايەۆا قازاقستاننىڭ اگرارلىق سەكتورىندا ەل ەكونوميكاسىنىڭ درايۆەرى بولۋدىڭ العىشارتتارى بار ەكەنىن اتاپ ءوتتى. بۇل تۋرالى tengrinews.kz حابارلادى. 

سەنات سپيكەرى ەلىمىزدە اۋىل شارۋاشىلىعىن باسقارۋ مەن اكىمشىلەندىرۋ جۇيەسىن قايتا قاراۋ، سونداي-اق، نىسانالى ينديكاتورلاردى وزگەرتۋ قاجەت ەكەنىن ايتتى. 

– نە سەبەپتى  ءبىز تۇرعىن ۇيلەر سالىپ، "ديپلوممەن اۋىلعا" مەملەكەتتىك باعدارلاماسىن قارجىلاندىرۋىمىز كەرەك، ەگەر ول جەردە جۇمىس بولماسا. ارينە، ول جەردە بولاشاق تا جوق.  بۇل باعدارلامار بولاشاعى بار ەلدى مەكەندەرگە باعىتتالۋى كەرەك. تەك وسىلاي عانا ناتيجە كورە الامىز، ال بۇل بولماسا، اقشا جەلمەن ۇشقانداي بولادى، –  دەدى داريعا نازاربايەۆا پارلامەنتتىك تىڭدالىمدا.

– قۇرمەتتى ارىپتەستەر، تىڭدالىمعا قاتىسۋشىلار! قازاقستاننىڭ اگرارلىق ساياساتىنىڭ نەگىزگى مىندەتى، حالىقتى 80 پايىز ازىق-تۇلىكپەن قامتاماسىز ەتۋ. بۇل ىشكى نارىقتى رەتتەۋ، كىرىس كوزىن جاقسارتۋ، جاڭا تەحنولوگيالارعا كوشۋ، بارلىق زاماناۋي تالاپتار مەن ستاندارتتارعا سايكەس كەلەتىن جوعارى ساپالى ءونىم شىعارۋ. سول كەزدە ءبىزدىڭ فەرمەرلەرگە ءارتۇرلى مەكەمەلەردى ارالاپ، ساپا سەرتيفيكاتىن الۋ ءۇشىن قاعاز جيناۋ قاجەت بولماس ەدى،– دەپ نازاربايەۆا ءوز ءسوزىن جالعاستىردى.

– بارلىق شەشىمدەر مۇقيات قارالىپ، جاسالۋى كەرەك. قازاقستان – ءبىزدىڭ جەرىمىز. ءبىز جەرىمىز ءۇشىن اتا-بابالارىمىز بەن ۇرپاقتارىمىزدىڭ الدىندا جاۋاپتىمىز. سونىمەن قاتار جەرىمىزدى ەشكىمگە بەرمەيمىز. بىزدە سىرتقى دۇشپاندار جوق. ناعىز دۇشپانىمىز – جاۋاپسىزدىق، بىلىكسىزدىك، قاعاز تۇرىندەگى ەسەپتەرگە يكەمنىڭ جوقتىعى، كۇندەلىكتى وقيعالارعا دەگەن نەمقۇرايلىق،– دەدى سەنات سپيكەرى داريعا نازاربايەۆا.