ساياساتتانۋشى، ۇلتتىق سەنىم كەڭەسىنىڭ مۇشەسى ەرلان سايروۆ بەيبىت جينالىستار تۋرالى زاڭ جوباسىن تالقىلاۋ - ازاماتتار مەن بيلىكتىڭ قارىم-قاتىناسىنىڭ جاڭا مودەلىن جاسايدى، دەپ حابارلايدى قازاقپارات.
ەرلان سايروۆ «قازاقستان رەسپۋبليكاسىنداعى بەيبىت جينالىستار، ميتينگتەر، شەرۋلەر، پيكەتتەر مەن دەمونستراسيالار ۇيىمداستىرۋ جانە وتكىزۋ ءتارتىبى تۋرالى» زاڭ جوباسىنا قاتىستى سىنعا توقتالىپ ءوتتى.
«سىن ەلىمىزدىڭ قوعامدىق ءومىرىنىڭ ءبىر بولىگىنە اينالۋى كەرەك ەكەنىن ءتۇسىنۋىمىز كەرەك. ءبىز وعان ۇيرەنىپ، ونى قابىلداۋىمىز قاجەت. سىن بۇرىن دا بولعان، ءقازىر دە بار جانە بولا دا بەرەدى. مەنىڭ ويىمشا، بۇگىنگى تاڭدا زاڭ جوباسىن تالقىلاۋدىڭ ءوزى ازاماتتار مەن بيلىكتىڭ قارىم-قاتىناسىنىڭ جاڭا مودەلىن جاسايدى»، - دەدى ەرلان سايروۆ ەلوردادا زاڭ جوباسىن تالقىلاۋ بارىسىندا.
ول مەملەكەت باسشىسى Twitter پاراقشاسىندا زاڭ جوباسى بويىنشا ءوز پىكىرىن بىلدىرگەنى تۋرالى ايتتى.
«مەملەكەت باسشىسى كەشە عانا Twitter پاراقشاسىندا زاڭ جوباسى بويىنشا ءوز پىكىرىن ءبىلدىردى. بۇل وتە ماڭىزدى. زاڭ جوباسىن ازاماتتار عانا ەمەس، مەملەكەت باسشىسى دا تالقىلايتىنىن كورىپ وتىرمىز. بۇز زاڭ ءبىزدىڭ كوز الدىمىزدا وزگەرىپ، جاڭا سيپاتقا يە بولىپ جاتىر دەپ سانايمىن. مەنىڭ ويىمشا، بىزدە حابارلاندىرۋ جۇيەسىنىڭ ءپرينسيپىن تولىق قامتاماسىز ەتەتىن زاڭ بولادى»، - دەيدى ەرلان سايروۆ.
سونداي-اق، ول بەيبىت شەرۋگە قاتىسۋشىلار سانىنا توقتالدى.
«تالقىلاۋعا قاتىساتىندارعا «ميتينگكە 251 ادام كەلسە نە بولادى؟« دەگەن سۇراق قويامىن. مۇنداي سۇراقتارعا بەلگىلى ءبىر جاۋاپتارىمىز بولۋى كەرەك. زاڭ بويىنشا قاتىسۋشىلار سانى ارتىپ كەتسە، ميتينگ توقتاتىلۋى كەرەك. بۇل ماسەلەنى جان-جاقتى جەتىلدىرىپ، قاتىسۋشىلار سانىنا قاتىستى ويلانۋىمىز كەرەك»، - دەگەن پىكىر ءبىلدىردى.
پىكىر قالدىرۋ