الماتى وبلىسىنىڭ اكىمى اماندىق باتالوۆ وبلىس اكتيۆىمەن وتكەن جيىندا ءوزىنىڭ جاڭا ورىنباسارى مەن اپپارات جەتەكشىسىن تانىستىردى، دەپ حابارلايدى وبلىس اكىمىنىڭ باسپا ءسوز قىزمەتى.
الماتى وبلىسى اكىمىنىڭ ورىنباسارى بولىپ سەرىك تۇردالييەۆ، اپپارات جەتەكشىسى بولىپ تولەگەن سارسەمبايەۆ تاعايىندالدى.
– پرەزيدەنت اكىمشىلىگىنىڭ كەلىسىمىمەن وبلىس اكىمىنىڭ ورىنباسارى لاۋازىمىنا سەرىك تۇردالييەۆ تاعايىندالدى. ول ءبىزدىڭ وبلىستا بۇعان دەيىن دە جۇمىس ىستەگەن. سول كەزدە دە ءوزىنىڭ ىسكەرلىگىن كورسەتىپ، كاسىپكەرلىك سالاسىندا ءبىرقاتار جوبالاردىڭ ءساتتى جۇزەگە اسىرىلۋىنا ىقپال ەتتى. وبلىس اكىمى اپپاراتىنىڭ باسشىسى ەتىپ تولەگەن سارسەمبايەۆتى تاعايىندادىم. ول دا - تاجىريبەسى مول، ىسكەر ازامات. ەكەۋىنىڭ دە جاڭا قىزمەتتەرى جەمىستى بولسىن، جەتىسۋ جەرىنىڭ يگىلىگىنە قىزمەت ەتە بەرۋلەرىنە تىلەكتەسپىن، – دەدى اماندىق باتالوۆ.
سەرىك تۇردالييەۆ 2012-2017 جىلدارى وبلىس اكىمى قىزمەتىن اتقارعان. وعان دەيىن "قازاقمىس" كورپوراسياسىندا جۇمىس ىستەپ، "حالىق بانكى" اق-نىڭ اتقارۋشى ديرەكتورى بولعان.
ال تولەگەن سارسەمبايەۆ بۇعان دەيىن الماتى وبلىسى مەملەكەتتىك كىرىستەر دەپارتامەنتىنە جەتەكشىلىك ەتكەن.
پىكىر قالدىرۋ