الەم بويىنشا كوروناۆيرۋستان كوز جۇمعاندار سانى 3 114 ادامعا جەتكەن. بۇل تۋرالى قحر دەنساۋلىق ساقتاۋ جونىندەگى مەملەكەتتىك كوميتەتى مالىمدەدى.
قازىرگى تاڭدا ينفەكسيانى جۇقتىرعاندار 90 370 ادامدى قۇراسا، ونىڭ 47 مىڭى دەرتىنەن ايىققان. قايتىس بولعاندار سانى 2 943 ناۋقاس. سونداي-اق، اۋىرعان 80 151 ناۋقاس قىتايلىق ازاماتتار. بۇگىندە كوروناۆيرۋس قىتايدان وزگە الەمنىڭ 64 ەلىندە تىركەلگەن.
دۇنيەجۇزىلىك دەنساۋلىق ساقتاۋ ۇيىمىنىڭ سوڭعى مالىمەتىنە سۇيەنسەك، قىتايدا "COVID-19" ينفەكسياسىنىڭ تارالۋى ازايعانىمەن، الەمنىڭ وزگە ەلدەرىندە كەرىسىنشە، كوبەيىپ جاتىر. اتاپ ايتار بولساق، وڭتۇستىك كورەيا، يتاليا، يران جانە جاپونيا.
پىكىر قالدىرۋ