بەلگىلى بولعانداي، بەردىبەك ساپاربايەۆ وبلىستىق اكىمدىكتە وتكەن اپپاراتتىق كەڭەستە الەۋمەتتىك سالاعا جاۋاپتى باسقارمالاردىڭ جۇمىسىن سىنعا العان. سەبەبى، ءالى كۇنگە دەيىن كەپىلدى الەۋمەتتىك كومەك بەرىلمەي كەلەدى مۇندا.
«ەگەر وسى اپتادا الەۋمەتتىك پاكەتتەردى بەرۋ شاراسى ناقتى قولعا الىنباسا، باسقاشا سويلەسەتىن بولامىز»، دەدى ايماق باسشىسى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسىنا.
سونداي-اق بەردىبەك ماشبەك ۇلى وڭىردەگى مادەنيەت، سپورت سالاسىندا دا جۇمىس اقساپ تۇرعانىن، ءوز ەلى ءوز كەمەڭگەرى مەن ماقتانىشقا اينالعان تۇلعالارىن ەسكەرە الماي وتىرعانىن، ءتىپتى، ابايدىڭ 175 جىلدىعىن تويلاۋدىڭ ءوزى تومەن دەڭگەيدە ءوتىپ جاتقانىن ايتىپ وتكەن.
بۇدان سوڭ جاستار ماسەلەسىنە باسا ءمان بەرۋ كەرەكتىگىن، ول ءۇشىن اۋىلدىق جەرگە دەيىن سپورت ۇيىرمەلەرى اشىلۋى، ول ءۇشىن ارنايى شتاتتار تاعايىندالۋى كەرەكتىگىن دە جەتكىزدى.
«جاستار نەگە قوعامدىق ءتارتىپتى بۇزادى؟ ءۇيى مەن كۇيى بولماعاندىقتان! ەگەر ولارعا ارنالىپ ءار ءتۇرلى دەمالىس شارالارى ۇيىمداستىرىلىپ وتىرسا، ولاردىڭ بۇزاقىلىق جاساۋعا ۋاقىتى بولمايدى»، - دەدى ب. ساپاربايەۆ.
ول ول ما، سۋ جاڭا اكىم ەرىكتىلەردىڭ تەك كوشەلەردى تازالاۋ جانە قاريالارعا كومەك كورسەتۋمەن عانا شەكتەلىپ قالماۋى كەرەك ەكەنىن اتادى.
دالىرەك ايتقاندا، بيىلعى جىل يەلەرى ءومىردىڭ بارلىق سالالارىنا تارتىلۋى ءتيىس دەيدى. ءارى "امبەباپ" توپقا الگىندەي شارۋالاردى ءبولىپ بەرۋ ءىسىن ىشكى ساياسات باسقارماسى ۇيىمداستىرىپ، باقىلاپ وتىرۋى مىندەتتەدى.
«ادامنىڭ ءال-اۋقاتى مەن كوڭىل-كۇيى ونىڭ الەۋمەتتىك ماسەلەلەرىنىڭ شەشىلۋىنە، مەملەكەتتىك قىزمەت كورسەتۋدىڭ ساپاسىنا بايلانىستى. مۇنىڭ ءبارى ويداعىداي اتقارىلسا، تۇرعىندار تاراپىنان نارازىلىقتار بولمايدى»، - دەيدى بەردىبەك ساپاربايەۆ.
پىكىر قالدىرۋ