قازاقستان پرەزيدەنتى قاسىم-جومارت توقايەۆتىڭ باستاماسىمەن قۇرىلعان ۇلتتىق قوعامدىق سەنىم كەڭەسىنىڭ قۇرامى وزگەردى. بۇل تۋرالى اقوردانىڭ Facebook پاراقشاسىندا حابارالاندى.
ول حابارلامادا كەڭەس قۇرامىنا ءماجىلىسى دەپۋتاتى باقىتبەك سماعۇل، زاڭگەر مارات باشيموۆ، "مازمۇنداما" قوعامدىق بىرلەستىگىنىڭ ءتوراعاسى شىڭعىس مۇقان، قازاقستاننىڭ جاڭارتىلاتىن ەنەرگەتيكا قاۋىمداستىعىنىڭ باس ديرەكتورى ارمان قاشقىنبەكوۆ جانە "تالبەسىك" كوپبالالى انالار قوزعالىسىنىڭ جەتەكشىسى، جۋرناليست ءلاززات قوجاحمەتوۆا، زاڭگەر اينۇر ءسابيتوۆا كىرگەنى ايتىلادى.
ال كەڭەس قۇرامىنان ەلۆيرا ءازىموۆا، ارۋجان ساين، بولات پالىمبەتوۆ، ارمان شورايەۆ، باقىتجان بۇقارباي، ازاماتحان امىرتايەۆ شىعارىلعان.
اقوردانىڭ Facebook پاراقشاسى تاراتقان حابارلامادا كەڭەستىڭ كەلەسى وتىرىسى وسى جىلدىڭ ءساۋىر ايىندا وتەتىنى ايتىلعان.
ۇلتتىق قوعامدىق سەنىم كەڭەسى 2019 جىلى 12 ماۋسىمدا قۇرىلىپ، ونىڭ قۇرامىنا باستاپقىدا 44 ادام مۇشە بولعان. كەڭەستىڭ العاشقى وتىرىسى 2019 جىلى 6 قىركۇيەكتە ءوتتى.
پىكىر قالدىرۋ