"162 ادام بوساتىلدى، ءتورت ازامات قاماۋعا الىندى" دەلىنگەن مينيسترلىك حابارلاماسىندا. جاپپاي تارتىپسىزدىك بويىنشا سوتقا دەيىنگى ءوندىرىس باستالدى.
ۇلتتىق قاۋىپسىزدىك مەملەكەتتىك كوميتەتىنىڭ حابارلاۋىنشا، 3 ناۋرىزدا ميتينگتى ۇيىمداستىرۋشىلاردىڭ ءبىرى، ەكس-دەپۋتات كانىبەك وسمونالييەۆ پەن اكسيانىڭ ءبىر بەلسەندىسى د.ا. ۇستالدى. ەكەۋى دە تەرگەۋ اباقتىسىندا وتىر.
ءبىر كۇن بۇرىن كەشكە بىشكەكتەگى ميتينگ قۇقىق قورعاۋ ورگاندارىنىڭ كۇشىمەن تاراتىلدى.
ءىىم مالىمەتى بويىنشا، جاپپاي تارتىپسىزدىك كەزىندە ميليسيانىڭ 24 قىزمەتكەرىنىڭ دەنەسىنە زاقىم كەلگەن.
2 ناۋرىزدا الا-توو الاڭىندا سوتتالعان ساياساتكەر سادىر جاپاروۆ جاقتاستارى ميتينگ وتكىزىپ، بيلىكتەن ەكس-دەپۋتاتتى بوساتۋىن تالاپ ەتتى. كەشكە قاراي ولار ميليسيامەن قاقتىعىسىپ قالدى. قۇقىق قورعاۋ ورگاندارى ولارعا قارسى ۆودومەت پەن كوزدەن جاس اعىزاتىن گاز قولداندى.
سادىر جاپاروۆ 2013 جىلى قاراكولدە ميتينگ ۇيىمداستىرىپ، گۋبەرناتور ەميلبەك قاپتاعايەۆتى كەپىلگە العانى ءۇشىن ايىپتى دەپ تانىلدى. ساياساتكەر ون جىلعا سوتتالدى. سول كەزدە ميتينگىگە شىققاندار "ءقۇمتور" التىن كەنىن مەملەكەت مەنشىگىنە الۋدى تالاپ ەتكەن.
پىكىر قالدىرۋ