بۇل تۋرالى Qamshy.kz اقپارات اگەنتتىگى قازاقپارات دەرەگىن نەگىز ەتە وتىرىپ حابارلايدى.
رەسمي اقپاراتقا سۇيەنسەك، شىعىس قازاقستان وبلىس اكىمدىگىنىڭ قاۋلىسى مەن ءماسليحاتتىڭ شەشىمى بويىنشا، زايسان اۋدانى مەن سەمەي قالاسىنىڭ اكىمشىلىك-اۋماقتىق قۇرىلىمىندا ءبىرقاتار وزگەرىس جاسالعان.
اتاپ ايتقاندا، زايسان اۋدانى سارىتەرەك اۋىلدىق وكرۋگىندەگى جاڭاباز اۋىلى كوگەداي اۋىلىنا، اينابۇلاق اۋىلدىق وكرۋگىندەگى تالدى، سارىتۇمسىق اۋىلدارى اينابۇلاق اۋىلىنا، كەڭساي اۋىلدىق وكرۋگىنىڭ سارشى اۋىلى كەڭساي اۋىلىنا قوسىلىپ، رەسمي اتاۋلارى جويىلعان.
بۇنداي شەشىم سەمەيدى دە شەت اينالماعان. ول جەردەگى كاراولەڭ، سوسياليستىك قازاقستان اۋىلدارىن دا ەندى تۇرعىندار جادىنان وشىرۋگە تۋرا كەلىپ وتىر.
ازىرگە، بۇل اۋىلداردىڭ اكىمشىلىك باسقارۋ تۇرعىداعى شىعىنىنىڭ سالماعىنان، الدە دەموگرافيالىق احۋالدىڭ سۇرەڭسىزدىگىنەن جابىلىپ وتىر ما، ول تۋرالى ەشتەڭە ايتىلماعان.
پىكىر قالدىرۋ