ۋكراينا دەنساۋلىق ساقتاۋ ءمينيسترىنىڭ ورىنباسارى ۆيكتور لياشكو كوروناۆيرۋستىڭ جاڭا ءتۇرىنىڭ العاشقى وقيعاسى ەلدىڭ چەرنوۆسى وبلىسىندا تىركەلگەنىن ايتتى. بۇل تۋرالى ريا حابارلادى.  

–  كەشە ءتورت ادام كۇدىكپەن جاتقىزىلعانىن ايتتىم، بۇگىن كۇدىگىمىز ءبىر ادامنىڭ بويىنان راستالدى، – دەدى شەنەۋنىك.

لياشكونىڭ ايتۋىنشا، كوروناۆيرۋسقا ۇقساس بەلگىلەر يتاليادان ورالعان وتباسىندا پايدا بولدى. وتباسى وزدىگىمەن "وقشاۋلانعان"، ال ەكى كۇننەن كەيىن ەر ادامنىڭ بويىنان اۋرۋدىڭ بەلگىلەرى بايقالعان. ول وتباسىلىق دارىگەرگە بارىپ، جۇقپالى اۋرۋلار اۋرۋحاناسىندا ەمدەۋدى قاجەت ەتەتىن بەلگىلەر پايدا بولعانشا نۇسقاۋلاردى ورىندادى. قازىرگى تاڭدا ەپيدەميولوگتار ناۋقاسپەن بايلانىستا بولعان ادامدارمەن جۇمىس ىستەي باستادى، مۇنداي ادامدار كوپ ەمەس.

قىتايدا جاڭا كوروناۆيرۋستى جۇقتىرعاندار سانى 80 مىڭنان استى، ونىڭ 2943ء-ى قايتىس بولدى، ال 47،2 مىڭ ادام اۋرۋدان ايىقتى.