يراننىڭ ونەركاسىپ جانە ساۋدا ءمينيسترى رىزا راحماني كوروناۆيرۋستىڭ جاڭا ءتۇرىن جۇقتىرعان. بۇل تۋرالى انادولۋ اگەنتتىگى حابارلادى.
اگەنتتىكتىڭ جازۋىنشا، ءقازىر مينيستر روحماني جان ساقتاۋ بولىمىندە، جاعدايى ءبىرقالىپتى.
يراندا بۇعان دەيىن دە كوپتەگەن شەنەۋنىكتەر ۆيرۋس جۇقتىرعان. ولاردىڭ اراسىندا يراننىڭ ۆيسە-پرەزيدەنتى ماسۋما يبتيكار، يران دەنساۋلىق ساقتاۋ ءمينيسترىنىڭ ورىنباسارى يرەچ حيرچي، جەدەل جاردەم باسشىسى پيرحوسەين كۋليۆاند جانە پارلامەنتتىڭ 23 دەپۋتاتى بار.
سوڭعى دەرەك بويىنشا، يراندا 2336 ادام كوروناۆيرۋس جۇقتىرىپ، 77 ادام كوز جۇمعان. يران – يتاليا، وڭتۇستىك كورەيا سياقتى كوروناۆيرۋس جۇقتىرعاندار سانى كوبەيىپ جاتقان ەلدەر قاتارىندا.
پىكىر قالدىرۋ